LUKA 15:3 - Mara Bible RV (BSI)

³ Chavâta he pakhona bie he ama hnohta reih ta:

LUKA 15:3 ပူးပေါင်းရင်းမြစ်များ

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ISAI 65:19

Zerusale chô liata a ly aw na ta, Ei phopi chô liata ei tha a pha aw. Cha liata chana pyu theipa châ khao leipa aw ta, Nôpopa ta a awhpa pyu chhao theipa châ khao aw vei.

MATHAI 10:6

Izarei phopi mietaku a leipazy lâta tlao sie teh u.

MATHAI 13:3

Pakhona biezy hmâpa ta âmo cha bie hluhpi chho ta, ama hnohta, “Chi hietuhpa cha chi hie awpa ta pua ta.

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

LUKA 15:2

Phârisaihzy nata ryhpa pachutuhpazy ta, “He chyhsa heta moleipazy a pahlao ta, ama hnohta pati a nie tyh,” tahpa ta paphôh ei ta.

LUKA 15:4

“Nama hry liata ahy ma mietaku za kha hnei ta, pô kha pahlei ha sala, lyurâhpa liata sychaki nata pô chaki cha siesaipa ta, aleipa cha a hmô hlâlei tlua leipa ta y aw ei chi?

ZAWHÂNA 21:16

A ei nona ta Zisu ta Pity hnohta, “Saimaw, Zawhâna sawchapawpa, kyh eina pachâ chi ma?” tah ta. Pity ta a hnohta, “Y, Abeipa, kyh ei cha pachâ tahpa na pahno,” tah ta. Zisu ta a hnohta, “Ei mietakuzy mohôh teh,” tah ta.

HMOTAOPAZY 21:20

Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.