LUKA 15:28 - Mara Bible RV (BSI)

²⁸ Sawchapaw uhtheipa cha a hiehâh ngaita ta, a ngia khoh leipa ta. A paw vaw pua ta, reipasao ta,

LUKA 15:28 ပူးပေါင်းရင်းမြစ်များ

ISAI 65:5

“Â hlapa liata a duah teh, Nâ vaw hnia kha, Nâma hlâta ei pathaih via,” A tah tyhpazy ama châ. Ei hnapasu liata meikhuh châ ei ta, Noh y ta mei a iapa ama châ.

ISAI 66:5

Nâmo, a bie liata a chalyu tyhpazy saih u, Abeipa bie he thei teh u: “Châ hao ei ta, Ei moh vâta châ papuatuhpa nama unawhzy ta, ‘Namâ lyna eima hmô thei nawpa ta, Abeipa cha parônahsapa ta y mawh sy,’ ama tah; Châhrasala âmo chaipa cha, Nozapa ta paysapa tlao ama châ aw.

ZEREMIAH 35:16

Rekhâ sawchapawpa Zônadâ pathlazy cha âmo pathlatuhpa biepiepa zyh ei ta, he phopi deikua he cha na nathlie veih ei.

ZAWNA 4:9

Khazohpa ta Zawna hnohta, “Titheih zôh kyh ta na hiehâhna he â do ma?” tah ta. Zawna ta, “Ei hiehâhna he â do na, thi theina taihta na ei hie a hâh,” tah ta.

MATHAI 20:11

Ama hria hlao ama dao nahta, lyu hneituhpa cha paphôh thlu ei ta,

MÂKA 1:40

Phawhpa pakha ano lâ a vy ta, a hmiakô liata pakhu paneih ta, a hnohta, “Na khoh khiahta la, eina pathaisa thei chi na,” tahpa ta a haw ta.

LUKA 13:34

Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

LUKA 15:2

Phârisaihzy nata ryhpa pachutuhpazy ta, “He chyhsa heta moleipazy a pahlao ta, ama hnohta pati a nie tyh,” tahpa ta paphôh ei ta.

LUKA 15:27

Chakaotuhpa ta, ‘Na nawhta vaw tlô ta, a tlâhpa nata â bohpa ta a hmô heihpa vâta, na paw ta viahchao taw thawhpa a thie,’ tah ta.

LUKA 15:29

châhrasala a paw cha a chhy ta, ‘Pachâ tua, chatikôsy cha chakao na ta, na rei a ngiah leipa ta y beih va na. Chatanachôta ei viasazy nata alyna ei tao nawpa ta mietaw pô kha dâhdei chhao na pie beih va chi.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

LUKA 5:30

Phârisaihzy nata ama ryhpa pachutuhpazy ta a pachupazy hnohta paphôh ei ta, “Kheihtazie ta chhiekheituhpazy nata moleipazy hnohta nie ta a doh thlâh ha tly?” tah ei ta.

LUKA 7:39

Cha hmo cha Zisu pati nie a hruatuhpa Phârisaih ta a hmô nahta, a palôh liata, “He chyhsa he hrohsopa a châ tlai khiahta cha, a hriatuhpa chanô he ahy ma a châ tahpa nata kheihawhpa chyhsa ma a châ tahpa a pahno thlyu awpa châ ta, ano he chanô moleipa châ tlôh ta,” tah ta.

HMOTAOPAZY 13:45

Zuzy ta zawpizy cha ama hmô nahta, hiatliana ta bie ei ta, Pawla bie reipa cha chakhiapa ta, reipachhie ei ta.

HMOTAOPAZY 13:50

Zuzy ta chanô zachhihpa Khazohpa pachâpazy nata khih machâzy pasyu ei ta, Pawla nata Bânabâ cha pataolasa ei ta, ama râh tawhta papua ei ta.

HMOTAOPAZY 14:19

Antiôkâ nata Ikônia tawhta Zuzy vaw tlô ei ta, zawpizy cha pasyu ei ta, Pawla cha alô ta vawh ei ta, a thi hapa ta ama pangiasa vâta khihpi khôtho lâ a daophi ei ta.

HMOTAOPAZY 14:2

Ngiapâ khoh leipa Zuzy ta Zenitaizy pasyu ei ta, unawhzy cha pahaosa ei ta.

RAWMA 10:19

Izarei ta pahno vei ma? tahpa ta hiahri heih aw sah la, he kyh liata Mawsi ta, “Phopi ta rei tlâh leipazy hmâpa ta, Nama hia cha patliasa aw ei na ta; Phopi hrupa hmâpa ta, Nama hie ei cha pahâh aw ei,” tahpa ta vaw reih tuachai ta.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.

1 SAMUELA 17:28

Pheisaihzy hnohta Dâvi biereipa cha, a uhta uhthei chaipa Eliabâ ta vaw thei ta. Eliabâ cha Dâvi chô liata a hie thata hâh ta, a hnohta, “Khazia nâ zu hra? Râhchawhpa liata mietaku a chyhta a ypazy kha ahy na pavaisa? Akhotlâh kawpa nata palôh moleipa a phaohpa na châ tahpa ei pahno. Adyuhna mo awpa ta a zupa na châ hih,” tah ta.

1 SAMUELA 18:8

Sawla cha a hiehâh ngaita ta, cha hla biezy chata palysa lei kaw ta. “Dâvi cha a thy patosa ei ta, kei cha a sâh deita eina patosa ei, khinarâh tah leipa ta cha, a to awpa hropa khâpa a y khao,” tah ta.