LUKA 15:19 - Mara Bible RV (BSI)

¹⁹ Na sawchapawpa ta bi tlâh chhao châ khao va na. Na hnohta hria hlaopa pakha hawhta rie na tao hra mah y,” ei tah aw,’ tah ta.

LUKA 15:19 ပူးပေါင်းရင်းမြစ်များ

ÂTHAONA 32:10

châ chakaotuhpa chô liata ngiachhiena nata ngâchhihna na palâsapa zydua hry liata a chyh chaipa chhao a phuh va na. Ei chôchahrei deita a chhypa ta Zawdâh he vaw chaka na ta, tahmâ cha py no eima vaw châ haw.

ZAWBÂ 42:6

Chavâta keimasasyh ta thailei a pachâ na ta, Dohlei nata buchadoh liata a tyuhpa ta ei ro haw,” tah ta.

HLAZY 84:10

Na dôhpachhôh tlyhmia liata noh kha ypa cha, Su hropa liata noh sâh kha ypa hlâta a pha via. Moleipa poh o liata pahrâpa hlâta cha, Ei Khazohpa o chhikao vaituhpa châ awpa ei khoh via.

LUKA 15:18

Thyu aw na ta, ei paw o lâ sie aw na ta, a hnohta, “Ei pâ y, Khazohpa chô liata nata nâma hmiakô liata hmo ei parao haw.

LUKA 15:20

Chatanachata thyu ta, a paw lâ sie ta. Lâhlapi ta a y nota a paw ta vaw hmô ta, ngiachhie ngaita ta, a kei râ ta, a sawchapawpa cha a pyhpahly ta, a pahnâ ta.

LUKA 5:8

Cha cha Saimaw Pity ta a hmô nahta, Zisu phei thaby liata kei pao ta, “Hy Abeipa, na siesai teh, moleipa ei châ hih,” tah ta.

1 KAWRINI 15:9

Kei la lyuhchâpazy hry liata chyh chaipa châ na ta, Khazohpa Awnanopa ei taolapa vâta, lyuhchâpa ta bi tlâh chhao châ va na.

1 PITY 5:6

Chavâta Khazohpa ku thatlôpa ry liata a panawh teh u. Chatanachata a daihtita liata a cha palyupalih aw ei.