LUKA 15:18 - Mara Bible RV (BSI)

¹⁸ Thyu aw na ta, ei paw o lâ sie aw na ta, a hnohta, “Ei pâ y, Khazohpa chô liata nata nâma hmiakô liata hmo ei parao haw.

LUKA 15:18 ပူးပေါင်းရင်းမြစ်များ

2 THÂTIHZYRONA 33:19

A thlahchhâna, Khazohpa ta a hiana a ngia­chhiena, â panawh hlâta a moleina nata a ngâchhih leina zydua, su sâhpa a taona suzy nata Aseri tôh nata khazoh nothlahpazy a paduana thâtihzy cha, Hrohsopazy Thâtih rona châbu liata ropa a châ.

HLAZY 25:11

Hy Abeipa, ei moleinazy hluh hra sala, Na moh vâta rie nâ ngiahthai mah y.

BIESOZY 23:13

Sawnawh chhoreipa a chalihsai khah y, Sôsi ta na tupa chhao ta thi aw vei.

ISAI 63:16

Abarahâ ta miah pahno vei hra sala, Izarei ta miah pachâ vei hra sala, Nâ cha eima Paw mah na châ tâh. Hy Abeipa, nâ cha eima Paw châ chi ta, Na moh cha hlâno tawhta miah Chatlaituhpa a châ.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

CHAPHÔHTUNA 3:29

A pakah dohlei liata ny mawh sy, Hnabeiseihna a y thei thlâh ha ngyu aw;

CHAPHÔHTUNA 3:40

Eima lâpizy pasiapa ta pakhâta ta moh sih la, Abeipa lâ kua heih suh u!

DÂNIAH 4:26

Tho chuahmi nata a tharizy pahlôh awpa ta biepiepa a châpa hawhta, Avâ ta ryu a reih tahpa na pahno tawhta na khinarâh cha na châta pa-ipa a châ aw.

ZAWNA 2:4

Chatawhcha kei ta, ‘Na mohmô tawhta thypa châ na ta, Chatanachôta nâ chhyna o pathaihpa lâ Ei sai heih aw,’ tah na ta.

ZAWNA 3:9

Ahy ma a pahno tly? Eima leidia lei nawpa ta, Khazohpa cha a palie thei ta, a palôh pananopa ta, a hiehâhna ru ngaitapa tawhta â palie thei mâh tâh,” tah ta.

MATHAI 3:6

ama moleinazy palâhâhpa ta Zawdâh chavah liata ano ta bâti pachâsa ei ta.

MATHAI 6:14

“Nama chô liata hmo a paraopazy namâ ngiahthai khiahta cha, nama Paw vârâh liata a ypa ta a châ ngiahthai hra aw ei.

MATHAI 6:9

Chavâta nâmo la hetana heta thlahchhâ tyh muh vy: “‘Eima Paw vârâh liatapa, Na moh zachhih mawh sy.

MATHAI 7:11

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, kha tlu ta hluh viapa ta ma a hiahtuhpazy hnohta hmo phapa a pie aw tly!

LUKA 11:2

Zisu ta ama hnohta, “Thlah nama chhâ tita, hetana heta nama chhâ aw: “‘Eima Paw vârâh liatapa, Na moh zachhih mawh sy. Na khinarâh vaw tlô mawh sy.

LUKA 15:17

 vaw pahno pasia nahta, ‘Ei paw o liata hria hlaopa hluhpi y ei ta, nie tiah lei ama hnei thlâh bao na ta, kei deikua cha nodipa ta he liata ei thi aw hih!

LUKA 15:19

Na sawchapawpa ta bi tlâh chhao châ khao va na. Na hnohta hria hlaopa pakha hawhta rie na tao hra mah y,” ei tah aw,’ tah ta.

LUKA 15:21

A sawchapawpa ta a paw hnohta, ‘Ei pâ y, Khazohpa chô liata nata na hmiakô liata hmo ei parao haw. Na sawchapawpa ta bi tlâh chhao châ khao va na. Na hnohta hria hlaopa pakha hawhta rie na tao hra mah y,’ tah ta.

LUKA 18:13

Chhiekheituhpa deikua cha, lâhlapi ta a duah ta, avâ lâ chhao ua ngâh leipa ta, a chachôhna a chô ta, ‘Khazohpa y, kei moleipa he na ngiachhie mah y,’ tah ta.