LUKA 14:35 - Mara Bible RV (BSI)

³⁵ Alei châta phahnai leipa aw ta, lei phapa tao nawpa ta sahroh ie liata pahlao tlâh chhao châ aw vei. Thy awpa deita a châ aw. Thei nawpa nakhaoh a hneipa ta thei mawh sy,” tah ta.

LUKA 14:35 ပူးပေါင်းရင်းမြစ်များ

MATHAI 11:15

Theina nakhaoh a hneipa ta thei mawh sy.

MATHAI 13:9

Nakhaoh a hneipa ta thei mawh sy,” tah ta.

MÂKA 4:23

Ahy rai thei nawpa nakhaoh a hneipa ta thei mawh sy,” tah ta.

LUKA 13:8

Kre sadô mohôhtuhpa ta, ‘Pâpuh, atakô chhâ he cha y chy sala, a thaby liata chao aw na ta, sahroh ie ta ei vaohei chy aw.

LUKA 8:8

Thokha lei phapa liata tla ei ta, pyuh ei ta, a lie za kha ta ama pathei,” tah ta. Cha biezy cha a rei khai nahta, awh ta, “Ahy rai thei nawpa nakhaoh a hneipa ta thei mawh sy,” tah ta.

LUKA 9:44

“He biezy he nama nakhaoh liata a ngia mawh sy: Chyhsa Sawchapawpa he chyhsazy ku ta patusapa ta a y aw,” tah ta.

ZAWHÂNA 15:6

Keima liata a y thlâh ha leipa cha, a chiah hawhta thypa ta y ta, a uah tyh. A chiahzy cha pakhy ei ta, mei liata thypa ta, ama rao tyh.

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.

BIEPHUAH 2:29

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy,’ a tah na,” tahpa ta.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.