LUKA 14:23 - Mara Bible RV (BSI)

²³ Zibeipa ta chakaotuhpa hnohta, ‘Pua la, lâlai nata khih chaki lâ zy vawh la, ei o biena taihta chyhsazy a vaw ngia awpa ta kei reipasao lylia teh.

LUKA 14:23 ပူးပေါင်းရင်းမြစ်များ

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MATHAI 21:43

“Chavâta ei cha chho ei, Khazohpa khinarâh cha nâmo tawhta lapa châ aw ta, a pathei awpa phopi hnohta piepa a châ aw.

MATHAI 5:41

Chyhsa ta me kha a cha pasiesa raruah khiahta cha, a hnohta me no sie mah y.

LUKA 14:22

Chakaotuhpa ta, ‘Ei zibeipa, na biepiepa hawhta tao hapa châ ta, châhrasala su a rua thlâh ha chy,’ tah ta.

LUKA 14:24

Ei cha chho ei, chyhsa ei hruapazy kha, pakha hmahta ei kyhchhi pati nie aw veih ei,’” tah ta.

LUKA 24:29

Châhrasala thlyu ei ta, “Eima o liata tlô mah y, zâlâ ha ta, noh chhao a tla daihmâ ha hih,” tah ei ta. Chatanachata ama o liata tlô awpa ta a ngia ta.

HMOTAOPAZY 16:15

Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

HMOTAOPAZY 28:28

Chavâta Khazohpa pachhana bie cha Zenitaizy lâta paphaopa a châ haw tahpa pahno teh u. Âmo ta la ama nathlie aw,” tah ta.

HMOTAOPAZY 9:15

Châhrasala Abeipa ta a hnohta, “Vawh thlâh teh, ano cha Zenitaizy, abeizy nata Izarei sawzy lâta ei moh a ngiakheituhpa châ awpa ta, ei chhaichhi châta raopa a châ.

RAWMA 10:18

Cha khiahta la, thei ha veih ei ma? tahpa ta hiahrina tao aw sah la, thei cha ama thei haw. “Ama pyu râh to liata pathâh ta, Ama bie kaokih taihta a pathâh,” tahpa ta ropa a châ.

2 KAWRINI 5:11

Chavâta Abeipa china phazie pahnopa ta, chyhsazy eima pasyu tyh. Kheihawhpa chyhsa ma eima châ tahpa Khazohpa ta pahno ta, nâmo chhao ta nama chhie nata pha pahnona hmâpa ta, miah nama pahno hra aw tahpa ei hnabei a seih.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

KAOLAOSÂ 1:28

Chyhsa to Krista liata phapakipa ta eima paduasa thei nawpa ta, chyhsa to chhoreipa ta, sona to pachupa ta, Krista thâtih eima chho tyh.

2 TIMAWTHY 4:2

Bie cha chho teh. A daihti nata a daihti leipa liata chhao chho teh. Dao thei ngaitana chôta nata pachuna chôta ama thaileizie pahnosa la, chhorei la, pasyu teh.