LUKA 13:34 - Mara Bible RV (BSI)

³⁴ Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

LUKA 13:34 ပူးပေါင်းရင်းမြစ်များ

NEHEMIAH 9:26

“Chatanachôta rei a ngiah leipa ei ta, châ dyuh ei ta, na ryhpa hnôhchhypa ta, nâ lâta âmo pakuasa awpa ta zikyurâtuhpa na hrohsopazy thie ei ta, Khazohpa reipachhiena rarôh y ngaitapa ama tao.

NEHEMIAH 9:30

Âmo cha kô hluhpi chhyh thai chi ta, na hrohsopazy hmâpa ta, na Thlahpa ta zikyu nâ râ tyh ei. Chatanachôta thei lei nahpâ amâ pachâ tyh. Chavâta cha râhzy liata phopizy ku liata na pie ha ei.

HLAZY 149:2

Izarei cha a Taotuhpa chô liata a thapha sala, Zaio sawzy cha ama Beipa chô liata a ly mawh ei sy!

HLAZY 17:8

Na mosaw hawhta na vaih la, Na mathlaw nohdi ry liata na nyu mah y.

HLAZY 36:7

Hy Khazohpa, na kyhpachâna tleih beih leipa cha a sôh kaw dia! Na mathlaw nohdi ry liata chyhsa sawzy amâ chhai tyh.

HLAZY 57:1

Hy Khazohpa, na ngiachhie la, Na ngiachhie tlai mah y, Ei hro ta nâ a châ chhai hih; Raona thlihpizy â pai hlâlei cha, Na mathlaw nohdi ry liata ei châ chhai aw.

HLAZY 81:13

Aw, ei phopi ta ei bie nathliepa ta, Izarei ta ei lâpizy a vaw chhih ha mawh sala cha,

HLAZY 91:4

A mathlaw hmi ta cha khu aw ta, A mathlaw ry liata achhaina na hmô aw; A ngâchhihna cha vyhphao nata thokhy a châ.

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 26:23

Chatanachata Uria cha Izi râh lâ za lapa ta, Bei Zehôki lâ a vaw chhi ei ta. Bei Zehôki ta Uria cha zaozi ta thie ta, vâtlâh thlâ su a ri ama thy hapa kha a châ.

ZEREMIAH 35:14

Rekhâ sawchapawpa Zônadâ ta a pathlazy hnohta kresawhti doh lei awpa ta biepie ta, a pathlazy ta âmo pathlatuhpa biepiepa cha zyh ei ta, tanoh taihta khâpa hmahta doh veih ei. Kei deikua cha ei cha chho ngâ thlâh hapa chhao ei ta, na nathlie veih ei chi.

ZEREMIAH 35:17

Chavâta Abeipa, Khazohpa Atotaotheipa, Izarei Khazohpa ta hetana heta a tah: Pachâ teh, Zudâh nata Zerusale khihsawzy cha, ama hnohta bie reih na ta, nathlie leipa ei ta, aw ei na ta eina chyh-ei leipa vâ ei ta, ama chô liata chhiena patlôsa awpa ei phuahpa zydua kha, ama chô liata ei patlôsa aw,” tah ta.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

CHAPHÔHTUNA 1:16

“Hezy vâna heta cha na ta, Ei mothlih ti hawhta a loh; Thlapalôhtuhpa hra cha nâ hla ha ta, Ei hro tha nâ patlô awpa y khao veih ei; Chariahpa ta pahniena to ha ta, Ei sawzy roryhrapa ta ama y.”

CHAPHÔHTUNA 4:13

A hrohsopazy moleina vâta châ ta, A theihthaipazy paraona vâta a châ; A chhôh liata thisaih palo ei ta, Chyhsa siapa thisaih a palotuhpazy vâta a châ.

HÔSIA 11:2

Awpa ama châ via nahta, Amâ pahla via rili; Bâlâzy lâ atheihna hlâ ei ta, Nothlahpazy lâ hmo ama hlâ tyh.

HÔSIA 11:7

Ei chyhsazy ta Na tleisai khâchâ amâ chhuah haw; Chavâta Chônôchaipa awsao hra ei sala, Âmo cha cheihchalo aw vei.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

ZEKARIA 1:4

Châ pathlatuhpazy hawhna khata y khah u. Hrohsopa hmiatuapazy ta, ‘Pheisaihzy Abeipa ta hetana heta a tah, nama moleina lâpi tawhta nata nama moleina hmotaopazy tawhta tahmâ vaw kua teh u,’ tahpa ta zikyu a râ ei ta, châhrasala nathlie leipa ei ta, na uasa hra veih ei,” Abeipa ta a tah.

MATHAI 22:3

Kyhchhi pati nie awpa ta a hruapazy aw awpa ta a chakaotuhpazy tuah ta, châhrasala a vy khoh tlâ leipa ei ta.

MATHAI 22:6

Chyhsa hropazy ta a chakaotuhpazy cha vaw patu ei ta, noza chhih ngaitapa ta taopa ta, thie ei ta.

LUKA 15:28

Sawchapaw uhtheipa cha a hiehâh ngaita ta, a ngia khoh leipa ta. A paw vaw pua ta, reipasao ta,

LUKA 19:44

Nâ nata na chhôh liata a ypa na sawzy alei liata ama cha taikhy aw. Chariahpazy vaw tlô nawpa noh na pahno leipa vâta, nâma liata alô â pachopa rai miakha hmah y khao leina taihta ama cha parao aw,” tah ta.

LUKA 23:28

Zisu cha âmo lâ a heih ta ama hnohta, “Zerusale sawchanôzy saih u, na chakhei khah u, nâmo nata nama sawzy châta tlao cha teh u.

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

HMOTAOPAZY 7:59

Alô ta ama vaw hai nota, Stiphana cha awh ta, “Abeipa Zisu, ei thlahpa vaw dy mah y,” tah ta.

HMOTAOPAZY 8:1

Sawla chhao ta Stiphana ama thie awpa cha paryhsa ta. Cha noh tawhta, Zerusale liata Awnanopa cha taolana thata a tyh pathao ta. Lyuhchâpazy dei leipa cha, Zudia nata Samâri râhzy lâta paipatla khai ha ei ta.

RYHPACHANEINA 32:29

Ama so mawh sala, Cha kyh cha ama novâh aw ta, Ama chhâ nawpa ama pahno awpa tlai!

RYHPACHANEINA 5:29

Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!

BIEPHUAH 11:8

Ama rizy cha khihpi rônahpa khiliah liata â zawh aw. Cha khihpi rônahpa cha thlahpa kyh lâta Sawdawmâ nata Izi moh bipa châ ta, ama Beipa ama khaipâna su kha a châ.

RUTHI 2:12

Na hmotaopazy cha Abeipa ta cha thô sala, nâ boh nawpa ta a mathlaw ry liata nâ vaw ngiapa Abeipa Izarei Khazohpa ta lymâ kipa cha pie mawh sy!” tah ta.