LUKA 13:33 - Mara Bible RV (BSI)

³³ Chatahrasala, tanoh chhao, mylâ chhao, hânoh chhao ei sie lymâ aw, hrohsopa cha Zerusale khihpi lia dei leipa ta cha, khôtho lâ thie theipa châ vei.’

LUKA 13:33 ပူးပေါင်းရင်းမြစ်များ

MATHAI 20:18

“Pachâ teh u, Zerusale lâ eima khy hai hih. Chyhsa Sawchapawpa he theihthaipa hyutuhpazy nata Ryhpa pachutuhpazy ku liata hlâpa châ aw ta, âmo ta thailei pachâsa aw ei ta, ama thie aw.

MATHAI 21:11

Zawpizy ta, “He he hrohsopa Zisu, Kâlili râh Nâzari khihpa a châ,” tah ei ta.

LUKA 9:53

Châhrasala a hmia cha Zerusale lâ khâchâ a pahei hapa vâta, a vaw ly leipa ei ta.

ZAWHÂNA 11:54

Chavâta Zisu cha Zuzy hry liata â lâhâhpa ta charei khao leipa ta, râhchawhpa daih lâta Epharai ama tahpa khih lâ sie ta, pachupazy chhaota cha liata y ta.

ZAWHÂNA 11:9

Zisu ta a chhy ta, “Noh kha ta dawh hrawh hleino y vei ma? Noh y chhôh ta a chareipa chyhsa cha, he khizaw khaihpa he a hmôpa vâta, a chapia aw vei.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 4:34

Zisu ta ama hnohta, “Ei pati cha nâ tuahtuhpa khopa taopa nata a raihria pangoh awpa a châ.

ZAWHÂNA 9:4

Nohchhô a châ nota nâ tuahtuhpa rai ei hria awpa a châ. Zâ châ daihmâ ta, cha tita la ahy hmahta rai hria thei khao aw veih ei.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

HMOTAOPAZY 13:27

Zerusale liata a ypazy nata ama ryureituhpazy ta ano cha pahno leipa ei ta, Pahânoh maihta rei tyhpa hrohsopazy bie chhao ama pahno leipa vâta, ano cha thailei pachâsapa ta, hrohsopazy bie ama patlôsapa a châ.