LUKA 13:25 - Mara Bible RV (BSI)

²⁵ O hneituhpa thyu ta ochhi a khaw ha khiahta cha, nâmo ta khôtho liata a duahpa ta, ‘Abeipa, ochhi miah pahypa teh,’ tahpa ta ochhi chakhyh hra u la, ‘Khataih tawhta a vypa ma nama châ, cha pahno veih ei na,’ tahpa ta a châ chhy aw ei.

LUKA 13:25 ပူးပေါင်းရင်းမြစ်များ

ÂTHAONA 7:16

Khazohpa ta bie a piepa hawhta, sa to tawhta a chapawpa nata a chanôpazy cha balyh chhôh lâ a ngia khai ei ta. Cha khai tawhta Abeipa ta Nôah cha khawhlôh ha ta.

HLAZY 32:6

Chavâta hmô thei awpa ta na y nota, Khazohpa a pachâpa maihta nâ lâta thlahchhâ mawh ei sy; Tisaih tlô hra sala, Ano cha vao aw vei.

ISAI 55:6

“Hmô thei awpa ta a y nota Abeipa cha tlua u la, Â hnia nona heta aw teh u!

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

LUKA 13:27

Châhrasala ano ta, ‘Ei cha chho ei, khataih tawhta a vypa ma nama châ, cha pahno veih ei na. Nâmo, hmo moleipa a taopa zydua saih u, kei tawhta sie syulyu ha teh u!’ a tah aw.

LUKA 3:8

Rona moh phaoh tlâhpa ta pathei teh u. ‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

LUKA 6:46

“Ei bie zyh tlôh leipa ei chi ta, khazia, ‘Abeipa, Abeipa,’ eina tah ei chi?

2 KAWRINI 6:2

Khazohpa ta, “Daihti rypaohpa liata cha nathlie na ta, Pachhana noh liata ei cha bao,” a tah. Pachâ teh u, tahmâ he daihti rypaohpa cha châ ta, tahmâ he pachhana noh cha a châ.

HEBRAI 12:17

Cha khai tawhta byhnâ to awpa khoh ta, mothlih chhaota a hiapa chhao ta, ro nawpa daihti rypaohpa a hmô khao leipa vâta, dythapa a châpa kha nama pahno.