LUKA 13:19 - Mara Bible RV (BSI)

¹⁹ Khazohpa khinarâh cha, chyhsa ta âhrâ chi hmô kha la ta, a sadô liata a pariepa hawhta a châ. Chi cha kaw pyuh ta, thokô vaw châ ta, vâ pavawzy ta a chiahzy liata bu ama tu tyh,” tah ta.

LUKA 13:19 ပူးပေါင်းရင်းမြစ်များ

HLAZY HLA 4:12

Ei sietanô cha sadô khawpa châ ta, Ei myuh thieh cha tihnawh chhie pachhôpa, Tikhaoh pamaipa a châ.

HLAZY HLA 4:16

Hy maw thlih, a hra la, Hy chho thlih, a vy mah y! Ei sadô liata vaw pathli u la, A ropahâhpazy charao zaolao mawh sy. Ei lôhdupaw cha a sadô liata a vaw ngia sala, A thei pahâh chaipazy vaw nie mawh sy.

HLAZY HLA 6:2

Ei lôhdupaw cha a sadô lâ sie ta, Ropahâhpa rakhôzy yna lâ a sie haw. A sadô liata a mietaku zaw patlaihsa awpa ta sie ta, Lilipawzy lyu awpa ta a sie haw.

HLAZY HLA 8:13

Hy nâ sadôzy liata a pahrâpa y, Viasazy ta na ao ama cha nathlie, Kei chhao na ao thei hraw sah y.

ISAI 53:1

Ahy ma keimo tawhta bie a theipa a ngiapâ ta, Ahy hnohta ma Abeipa bâh phualuahpa a châ tly?

ISAI 53:10

Chatahrasala thi padôpa ta a y awpa cha, Abeipa khopa châ ta; Pasa a pataosa ha tlaipa a châ. A hrona cha thaileichâna hlâna châta Abeipa ta a hmâ hapa chhao ta, A chipathla hmô aw ta, A hro chhôh kôzy a pasi aw; Abeipa khopa cha, A ku liata vânoh topa ta a y aw.

ISAI 58:11

Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

ISAI 61:11

Alei ta chizy papyusa ta, Sadô ta a chhôh liata chi tupazy a papyusapa hawhta, Abeipa Zehôvâh ta phopizy hmiakô liata Siana nata reithaina zy a papyusa aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

EZEKIA 31:6

Vâ pavaw zydua ta a chiahzy liata ama bu tu ei ta, Sa to ta a chiahzy ry liata taw ama pataw; A nohdi ry liata phopi rônahpa zydua ama pahrâ.

DÂNIAH 4:12

A hnazy a ngia kaw ta, a theizy hluh ta, hro hnei to zydua châta nie awpa ano liata a y. Râhsazy ta a nohdi a chhai ei ta, avâ pavawzy ta a chiahzy liata pahrâ ei ta, sapa zydua ano tawhta pasapa ta ama y.

DÂNIAH 4:21

a hnazy a ngia kawpa nata a thei a hluh ngaitapa, hmohrohneipa to châta nie awpa a hneipa, râhsazy ta a nohdi amâ chhaipa nata avâ pavawzy ta a chiahzy liata ama pahrâpa thokô kha,

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

MATHAI 17:20

Zisu ta ama hnohta, “Namâ ngiapâna a chyhpa vâta a châ. Hmeiseihta ta ei cha chho ei, âhrâ chi hmô kha tie chhâ ta ngiapâna nama hnei khiahta la, he tlâh hnohna heta, ‘He tawhta hao lâ a pasie teh,’ tah u la, â pasie thlâh ha aw. Nama châta tao thei leipa khâpa hmah y aw vei.

MÂKA 4:30

Zisu ta, “Khazohpa khinarâh cha khâpa nata ma eima pakho aw? A châ vei khiah, kheihawhpa pakhona ma eima hmâh aw?

LUKA 17:6

Abeipa ta, “Âhrâ chi hmô kha tie chhâ ta ngiapâna a hneipa châ u la, he malburi kô hnohna heta, ‘A phia la, tilaipi liata a bô teh,’ tah aw ei chi ta, nama rei â ngiah aw.

HMOTAOPAZY 2:41

A bie a zyhpa maihta bâti châ ei ta, cha noh liata chyhsa sâh thôh rachhôh baichhapa ama châ.

HMOTAOPAZY 21:20

Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.

HMOTAOPAZY 4:4

Châhrasala ama bie a theipa hry liata chyhsa hluhpi ta a ngiapâ ei ta, ama hluhna zie cha maluh sâh pangawh rachhôh ama châ.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.