LUKA 13:15 - Mara Bible RV (BSI)

¹⁵ Abeipa ta ano cha a chhy ta, “Nâmo, phapakheipazy saih u, Pahânoh ta nama viahchao tlyma, alâ tlyma, a o tawhta pathlâpa ta, ti padosa awpa ta a chhi tyh veih ei chi ma?

LUKA 13:15 ပူးပေါင်းရင်းမြစ်များ

ZAWBÂ 34:30

Khazohpa a pahno leipa chyhsa cha ryu a rei awpa châ vei, Chataleipatala khoheih liata phopi â ao pathlei aw.

BIESOZY 11:9

Khazohpa a pachâ leipa chyhsa cha, A pakah ta a vaih parao ta, Mosiapa deikua cha, A pahnona ta a vaih a pachha tyh.

ISAI 29:20

Nôchhiepa leidia aw ta, Pahneisaotuhpa â chalih aw; Hmo pha leipa lâta a mo a padeihpa zydua cha, Chhawh pathlahpa ama châ aw.

MATHAI 15:14

Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 15:7

Nâmo, phapakheipazy saih u, nama yzie kyh liata Isai ta,

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 23:28

Khôtho lâ chyhsa mohmô liata a sia ngaitapa ta a lâ ei chi ta, nama chhôh lâ deikua cha, phapakheina nata Ryhpa papeisa leina ta a bie.

MATHAI 7:5

Nâ, phapakheipa, nâma mo liata pâkô kha la ha tua la, chatanachata na unawhpa mo liata mobâ cha a siapa ta hmô aw chi ta, na thaopa thei aw.

LUKA 12:1

Cha nona chata, amâ tlypâ ngâna taihta zawpi sâh hluhpi a vaw hmaohpakhy ei ta, Zisu cha a pachupazy hnohta bie reih tua chai ta, “Phârisaihzy thinô liata a vaih teh u, cha cha phapakheina a châ.

LUKA 14:5

Ama hnohta, “Nama hry liata chyhsa pakha ta sawchapaw tlyma, viahchao tlyma hnei sala, Pahânoh ta tikhaoh liata tla sala, thlai ta a thaoh lei awpa ahy a y aw ei chi?” tah ta.

LUKA 6:42

Nâma mo liata pâkô a ypa hmô leipa chi ta, kheihta ma na unawhpa hnohta, ‘Unawh, na mo liata mobâ kha cha vaw lapa ha sah,’ na tah thei? Nâ, phapakheipa, nâma mo liata pâkô kha la ha tua la, chatanachata na unawhpa mo liata mobâ la awpa cha a siapa ta na hmô thei aw.

LUKA 7:13

Abeipa ta nôhmei cha a hmô nahta, a chô liata a thapasa ngaita ta, a hnohta, “Cha khah y,” tah ta.

LUKA 7:19

Zawhâna ta a pachupa pano aw ta, Abeipa lâ tuah ta, a hnohta, “A vy awpa cha na châ ma, chyhsa hropa ma eima hâ aw?” tahpa ta kei pahiahrisa ta.