LUKA 13:14 - Mara Bible RV (BSI)

¹⁴ Zisu ta Pahânoh ta chyhsa a patlâhpa vâta, pakhyna o hyutuhpa cha a hiehâh kaw ta, zawpi hnohta, “Chyhsapa raihria nawpa ta noh charu y ta, cha chhôh chata a vy u la, patlâhpa ta y teh u. Pahânoh ta la tao awpa châ vei,” tah ta.

LUKA 13:14 ပူးပေါင်းရင်းမြစ်များ

PUASAINA 20:9

Noh charu chhôh rai hria aw chi ta, na rai zydua na hria aw.

PUASAINA 23:12

“Noh charu chhôh na rai hria aw chi ta, a noh sarina noh deikua cha, nâ pahâ tyh awpa a châ. Chatanachata na viahchao tôhpa nata alâ zy chhao a pahâ aw ei ta, na o liata a pihpa sei nata na hnohta a ypa chihropa zy ama tha a dâh hra aw.

EZEKIA 20:12

Cha dei châ vei, kei he âmo a pathaisatuhpa Abeipa ei châ tahpa ama pahno thei nawpa ta, âmo nata keima likah liata ngiana châta ei Pahânohzy chhao ei pie ei.

EZEKIA 34:21

Mietaku chiehleipazy cha nama papai hlâlei nama kâ nata nama ngiatlâh ta chakho ei chi ta, nama kizy ta nama daihpa vâta,

THEIHTHAINA 23:3

“Noh charu chhôh rai hria awpa châ ta, a noh sarina noh deikua cha apahâna zachhihpa Pahânoh, pakhypi pathaihpa noh a châ aw. Khâpa rai hmah nama hria awpa châ vei. Cha cha nama pahrâna maih liata Abeipa châta Pahânoh a châ.

MATHAI 12:2

Phârisaihzy ta ama hmô nahta, a hnohta, “Moh tua, na pachupazy ta Pahânoh ta tao lei awpa hmo ama tao,” tah ei ta.

MÂKA 5:22

Pakhyna o hyutuhpazy hry liata pakha, a moh Zairu ama tahpa a vy ta, Zisu a hmô nahta, a phei thaby liata pao ta,

LUKA 6:11

Ryhpa pachutuhpazy nata Phârisaihzy cha ama pathi ia ngaita ta, Zisu chô liata kheihta tao awpa ma tahpa a chhohia ei ta.

LUKA 6:7

Ryhpa pachutuhpazy nata Phârisaihzy ta ano ama leih thei nawpa ta, Pahânoh ta a patlâh nata patlâh lei mohpathli ei ta.

LUKA 8:41

Chyhsa pakha a moh Zairu ama tahpa, pakhyna o hyutuhpa a vy ta, Zisu phei thaby liata pao ta, a o tly awpa ta a haw ta.

HMOTAOPAZY 13:15

Ryhpa châbu nata hrohsopazy châbu tawhta ama rei khai nahta, pakhyna o hyutuhpazy ta âmo lâ chyhsa tuah ei ta, “Unawh saih u, zawpi châta pasyuna bie nama hnei khiahta cha, reih teh u,” tah ei ta.

HMOTAOPAZY 18:17

Ama zydua ta pakhyna o hyutuhpa Sôsthene cha patu ei ta, ryureina hmiakô liata chhei ei ta. Châhrasala Kâliô ta ama hmotaopa cha uasa a chhuah hlei vei.

HMOTAOPAZY 18:8

Pakhyna o hyutuhpa Krispâ nata a chhôhkha zydua cha Abeipa a ngiapâ ha ei ta. Kawrini mo hluhpi chhao ta, Pawla biereipa ama thei nahta, a ngiapâpa ta, bâti châ ei ta.

RAWMA 10:2

Khazohpa châta phahnai amâ ngiah tahpa ei pahnokhei ei. Châhrasala pahno pasia leipa ta phahnai a ngiahpa ama châ.

RYHPACHANEINA 5:13

Noh charu chhôh rai hria aw chi ta, na rai zydua na hria aw.