LUKA 13:11 - Mara Bible RV (BSI)

¹¹ Cha liata chanô pakha, kô hrawh hleicharie chhôh zôh akona thlahpa ta a patupa y ta. A zôh a kopa ta a bôh thlâh ha tyh ta, a patlâpa ta a duah thei leipa a châ.

LUKA 13:11 ပူးပေါင်းရင်းမြစ်များ

ZAWBÂ 2:7

Sâtâ cha Abeipa hmiakô tawhta pua ta, Zawbâ cha a pheipazah tawhta a laki taihta kheihluh ru ngaitapa pathlasa ta.

HLAZY 145:14

Abeipa cha a pao awpa zydua patu ta, A bôhpa zydua a pathyu tyh.

HLAZY 146:8

Mochaopazy mo a pavâsa. Abeipa cha a bôhpazy pathyu ta, Abeipa cha mosiapazy kyh a pachâ.

HLAZY 38:6

Nôpopa ta a khu na ta, Noh y ta pachârôhpa ta ei y.

HLAZY 42:5

Hy ei thlahpa, khazia ma a khu chi ta, Khazia ma ei chhôh liata a tymâpa ta na y? Khazohpa hnabeiseih mah y. Ei pachhana cha reithai aw na ta,

HLAZY 6:2

Hy Abeipa, zawh nâ ngiah ma y, Ei panao ha hih; Hy Abeipa, na patlâh mah y, Ei ruzy a pasa ngaita.

MATHAI 4:23

Kâlili râh zydua chahryh ta, amâ pakhyna ozy liata pachupa ta, khinarâh thâtihpha chho lymâ ta, zawpi hry liata hri to nata pasana to a hneipazy patlâh ta.

MÂKA 9:21

Zisu ta a paw hnohta, “He hawhta a vaw y pathaona he khachâ a châ haw?” tah ta. A paw ta, “A hawtita tawhta a châ.

LUKA 13:12

Zisu ta ano cha a hmô nahta, aw ta, a hnohta, “Chanô, na pasana ta a cha pathlie haw,” tah ta.

LUKA 13:16

He chanô, Abarahâ sawchanô, Sâtâ ta kô hrawh hleicharie a chahry hapa he, Pahânoh chhao rai châ sala, pathlâ awpa cha tao hialia awpa châ vei ma?” tah ta.

LUKA 21:28

Cha hmozy a vaw tlô pathao tita, nama pachhana cha a hnia ha ta, thyu u la, avâ lâ moh muh vy,” tah ta.

LUKA 8:2

thlahpa chhiepazy âmo tawhta a papuapa nata pasana a patlâhpazy chhao amâ hlao hra. Âmo cha a chhôh tawhta ahripa pasari a papuapa Mâdali ama bipa Mâri,

LUKA 8:27

Zisu cha ngiahkâ lâ a pua nahta, khihpi liata chyhsa pakha, ahripa a hneipa ta a vaw tyh ta. Cha chyhsa cha chysia â tao leina tawhta bohpi châ ha ta, o liata y leipa ta thlâzy liata a y tyhpa a châ.

LUKA 8:43

Chanô pakha kô hrawh hleino thi lohpa, a sôh hneipa zydua dawhtyzy liata a hmâh khai tawh chhao ta, ahy ta hmah ama patlâh thei leipa y ta.

HMOTAOPAZY 3:2

Chyhsa pakha pheisypa ta a pihpa a vaw sy ei ta, ano cha Achhyna o lâ a ngiapazy lâta ku dao awpa ta, Achhyna o Ochhi Ngiapa ama tahpa kiapâh liata noh chareih ama pazia tyhpa a châ.

HMOTAOPAZY 4:22

Hmonoâhpa taopa ta chyhsa ama patlâhpa cha, kô sypalih hlâta uhthei viapa châ tlôh ta.