LUKA 13:1 - Mara Bible RV (BSI)

¹ Cha daihti liata, chyhsa thokha a vy ei ta, Zisu hnohta Kâlili mo thâtih vaw chho ei ta. Kâlili mo cha atheihna ama hlâ hai nota Pilâ ta thie ei ta, ama thisaih cha atheihna sazy nata a pahlao hapazy ama châ tah ei ta.

LUKA 13:1 ပူးပေါင်းရင်းမြစ်များ

CHAPHÔHTUNA 2:20

Hy Abeipa, moh la, pachâ tua! Ahy chô liata ma he hawhta na tao tly? Chanôzy ta ama chhi thei niepa ta, Ama chhôh tawhta a puapazy ama nie aw ma? Theihthaipa nata hrohsopa taihta, Khazia Abeipa supathaihpa liata thiepa ama châ aw?

MATHAI 27:1

My a vaw châ nahta, theihthai bei zydua nata khitlâh machâzy cha Zisu thie thei nawpa kyh ryhrao ei ta.

MATHAI 27:2

Zisu cha chahrypa ta a chhi ei ta, râhvaotuhpa Pilâ lâ hlâ ei ta.

HMOTAOPAZY 1:11

Cha chyhsazy chata, “Kâlili mo saih u, khazia vârâh lâ mopa ta namâ duah thlâh haw? Zisu, nâmo tawhta vârâh lâ a chhipa ta a ypa kha, vârâh lâ a kiapa nama hmôpa hawhna heta â vy heih aw,” tah ei ta.

HMOTAOPAZY 2:7

Ânano kawpa ta hmô ei ta, ama noâh ngaita ta, “Moh tua u, he bie a reihpa zydua he, Kâlili mo châ veih ei tly ma?

HMOTAOPAZY 5:37

Ano khai tawhta, maluhpi reina daihti liana kha, Kâlili chyhsa Zudâh vaw pua heih ta, ano lâta chyhsa hluhpi a sy heih hra. Ano chhao cha thi ta, a zituhpazy ama paipatla khai haw.