LUKA 12:48 - Mara Bible RV (BSI)

⁴⁸ Pahno leina vâta tu tlâhpa hmo a taopa chakaotuhpa deikua cha, a chyh via ta tupa a châ aw. A hluhpi piepa cha, a hluhpi a hnawpa châ aw ta; a hluhpi pavaosapa chhao, a hluhpi hnabeiseihpa a châ aw.

LUKA 12:48 ပူးပေါင်းရင်းမြစ်များ

THEIHTHAINA 5:17

“Abeipa ta tao lei awpa ta bie a piepa kheihawhpa tlyma chyhsa ta tao sala a molei khiahta cha, pahno leipa ta a tao pathleipa a châpa chhao ta, thaileichâ pyly aw ta, a paraona maoh a phaoh aw.

MALUHREINA 15:27

“Chyhsa ta pahno leipa ta hmo a parao khiahta cha, moleina hlâna châta mie chanôpa kô khapa pô kha a hlâ aw.

MATHAI 13:12

A hneipa hnohta pie baichhapa châ aw ta, a hluhpi a hnei aw. A hnei leipa deikua cha, a hnei chhôhpa chhao, ano tawhta lapa a châ aw.

MATHAI 23:14

“Nâmo, ryhpa pachutuhpa nata Phârisaih phapakheipazy saih u, nama hu a po na! Nôhmeizy o nie khai ei chi ta, a pakheipa ta a pasi pi thlah nama chhâ tyh. Chavâta thailei pachâsa via pachaipa nama châ aw.

LUKA 12:41

Pity ta, “Abeipa, cha pakhona bie cha keimo deita ma miah na chho, chyhsa zydua maw?” tah ta.

LUKA 12:49

“Alei chô liata mei pathla awpa ta a vypa ei châ. Tahmâ chhao he kâ ha sala ei tah kaw dia!

LUKA 16:2

Sôh mohôhtuhpa cha aw ta, a hnohta, ‘Na thâtih ei theipa he khâpa ma a yzie? Sôh na mohôhna rona châbu vaw pangia teh. Sôh mohôhtuhpa châ thei khao aw va chi,’ tah ta.

ZAWHÂNA 15:22

Kei a vy leipa ta, ama hnohta bie reih leipa aw sah la, moleina vâta thaileichâpa ta ama y lei awpa tlai. Tahmâ deikua cha, ama moleina liata rei nawpa hnei khao veih ei.

HMOTAOPAZY 17:30

Pahno leina daihtizy kha cha Khazohpa ta pahno lei â pachâ tyh, tahmâ deikua cha su to liata chyhsa zydua ro awpa ta bie a pie haw.

RYHPACHANEINA 25:2

Moleipa cha tu tlâh a châ khiahta cha, ryureituhpa ta paziasa aw ta, ryureituhpa hmiakô liata ama tu aw. A moleina yzie hawhta, ei khazie tu awpa ma tahpa raopa a châ aw.

1 TIMAWTHY 1:11

Cha ryhpa cha reithai tlâh Khazohpa thâtihpha rônahpa, kei liata pavaosapa nata â hmiepa ta taopa a châ.

1 TIMAWTHY 1:13

Kha hlâta reipachhietuhpa, taolatuhpa nata pasipasawhtuhpa vaw châ hraw sah la, ngiapâleina vâta pahno leipa ta a taopa ei châpa vâta, zawngiahna ei hmô.

1 TIMAWTHY 6:20

Hy Timawthy, na mohôh awpa ta nâ liata pavaosapa kha a phapa ta vaih mah y. Â doleipa ta “pahnona” ama tahpa Khazohpa a hlao leipa bie sisaw leipa reipa nata saizie a lyu leipa hmozy liata aeichhianazy a hneisai tyh mah y.

TITU 1:3

A daihtita liata a vaw luahpa chhâzaw hrona bie cha, Khazohpa miah Pachhatuhpa biepiepa ta pavaosapa châ na ta, cha bie a chhotuhpa, kei, Pawla heta,

ZÂMIE 3:1

Unawh saih u, nama hry liata chyhsa hluhpi la pachutuhpa châ khoh hlei khuh vy. Keimo pachutuhpazy pi cha pachiana a sâh viapa ta pachia awpa eima châpa nama pahno.