LUKA 12:37 - Mara Bible RV (BSI)

³⁷ Ama zibeipa â vy tita, ano hâpa ta a vaw hra thlâh hapa chakaotuhpazy cha ama nohlao na! Hmeiseihta ta ei cha chho ei, ama zibeipa cha chakaona chysia a tobipa ta, chakaotuhpazy cha tlâhkhai liata pati padôhsa aw ta, a vy aw ta, âmo cha a chakao aw ei.

LUKA 12:37 ပူးပေါင်းရင်းမြစ်များ

ISAI 62:5

Satlia ta laihsa kôpa a hneipa hawhta, Na sawchapawzy ta cha hnei aw ei ta; Myuhneituhpa ta myuh â lypa hawhta, Na Khazohpa ta a châ ly aw.

ZEREMIAH 32:41

Ama phana taopa cha ei lyna châ aw ta, ei palôh nata ei hro zydua ta he râh liata ngâchhihpa ta ei loh aw ei.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

MATHAI 24:42

Khâpa nota ma nama Beipa cha â vy aw tahpa nama pahno leipa vâta, a hrohruapa ta y teh u.

LUKA 12:36

Ama zibeipa cha Kialao kyhchhi tawhta a vaw di ta, ochhi a chakhyh tita thlai pahy thei awpa ta, a chakaotuhpazy ta ama hâ thlâh hapa hawhta, a mâ chiehpa ta y teh u.

LUKA 12:43

A zibeipa a vy tita, rai hria haipa ta a hmôpa chakaotuhpa cha a nohlao kaw aw dia!

LUKA 17:8

‘A patly la, zâpati na taopa teh. Niepa ta ei doh khai hlâlei na chakao la, cha khai tawhta nâ cha niepa ta doh lah vâ chi,’ tlao tah aw vei ma?

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

LUKA 22:27

Ahy a rônah via, tlâhkhai liata pati a dôhpa ma, a chakaopa maw? Tlâhkhai liata pati a dôhpa châ vei ma? Kei deikua cha nama hry liata chakaotuhpa hawhta ei y hih.

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

1 KAWRINI 2:9

“Ano kyh a pachâpazy châta Khazohpa ta â chhuahdypa cha, Mo ta hmô veih ei; Nah ta thei leipa ei ta, Palôh ta pachâ veih ei,” tahpa ropa hawhta ama châ.

PHILIPI 1:21

Kei châta la hro he Krista châ ta, thi chhao athôhna a châ.

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

2 PITY 1:11

Chatanachata eima Beipa nata Pachhatuhpa Zisu Krista chhâzaw khinarâh liata a ngia theina cha, pasai ngaitapa ta piepa nama châ aw.

2 PITY 3:14

Chavâta kho ngaitapa saih u, cha hmozy a hâtuhpa nama châpa vâta, apuapa a bai leipa nata seina hnei leipa ta, thlalôhpa ta nama ypa a cha hmô thei nawpa ei ta, tiama papua teh u.

BIEPHUAH 14:13

Chatawhcha avâ tawhta ao ta, “Hetana heta roh teh: Tahmâ tawhta la, Abeipa liata athipazy ama nohlao aw,” a tahpa thei na ta. Thlahpa ta, “A châ na, ama hriapasanazy a pahâsai aw ei ta, ama hmotaopazy ta a zi aw ei!” tah ta.

BIEPHUAH 16:15

“Moh teh u, parutuhpa hawhta ei vy hai! A hrohrua ta, chysia a tobi chiehpa ta a ypa cha a nohlao na. Chataleipatala thluahruapa ta a khie aw ta, chyhsa ta a thluahruana ama hmô pathlei aw!”

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.