LUKA 12:32 - Mara Bible RV (BSI)

³² “Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

LUKA 12:32 ပူးပေါင်းရင်းမြစ်များ

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ZEREMIAH 3:19

“‘Ei sawzy hry liata cha pahlao na ta, Râh zydua hry liata râh ngia chaipa cha, Na ryuto ta ei cha pie. Chavâta “Ei Paw” tahpa ta na awpa ta, Eina zina tawh chi ta, Eina tleisai lei awpa chi ta ei pachâ.

MATHAI 14:27

Zisu ta âmo cha thlai bie a vaw chho ta, ama hnohta, “Thlalôhpa ta y teh u, keima na ei châ, chi khah u,” tah ta.

MATHAI 20:16

Cha hawhna chata hnôh chaipazy cha hmiatua chaipazy châ aw ei ta, hmiatua chaipazy cha hnôh chaipazy ama châ aw,” tah ta.

MATHAI 25:34

Abeipa ta a chachâh lâta a ypazy hnohta, ‘Ei Paw ta byhnâ a piepazy saih u, a vy u la, khizaw tao tua no tawhta khinarâh a chhuahdypa cha to teh u.

MATHAI 7:15

“Hrohso pakheipazy tawhta a vaih muh vy. Chazy cha mietaku vo a bupa ta nâmo lâ a vy ei ta, ama chhôh lâ deikua cha changie chahraochatôhpazy ama châ.

LUKA 10:21

Cha dawh liata Zisu cha Thlahpa Pathaihpa liata a ly ngaita ta, “Hy ei Paw, alei nata avâ Beipa, ei châ ly ngaita na. He hmozy he chyhsa sopa nata novâhpazy liata nyu chi ta, hawtizy hnohta tlao na phualuah. A châ na, ei Paw, cha hawhta tao awpa cha, nâ lyna châ tlôh ta.

ZAWHÂNA 18:36

Zisu ta a chhy ta, “Ei khinarâh cha he khizaw khinarâh châ vei. Ei khinarâh cha he khizaw khinarâh châ sala, Zuzy lâta hlâpa ta ei y lei nawpa ta, nâ chakaotuhpazy ta amâ dyuh ha aw. Ei khinarâh cha he liata y vei,” tah ta.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

HMOTAOPAZY 20:29

Ei sie tawhta changie a hrâhpazy nama hry liata a vaw ngia aw ei ta, mietakuzy pahlôh aw vei tahpa ei pahno.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

PHILIPI 2:13

Ano alynazie tlaichhai ta, a khopa tao awpa ta, nâmo liata hriatuhpa cha Khazohpa a châ.

2 THYSALAWNIKA 1:11

Khazohpa ta a awpa nama châna a phuhpa ta nama y thei nawpa nata hmopha tao namâ chhuahpazy nata ngiapâna ta hmo nama taopazy cha, a hmotaotheina ta hlao a cha patlohsa thei nawpa ei ta, thlah khâ eima cha chhâpa tyh.

2 THYSALAWNIKA 1:5

He he Khazohpa pachiana siazie â lâna a châ: Khazohpa khinarâh châta pasa a taopa nama châpa hawhta, Khazohpa khinarâh to tlâhpa ta raopa nama châ aw.

HEBRAI 12:28

Chatanachata khinarâh a chalyu thei leipa eima topa vâna heta, alyna châh pahno sih la, a pyh tlâhpa achhyna cha, china nata zana chôta Khazohpa lâ hlâ ei suh u,

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

2 PITY 1:11

Chatanachata eima Beipa nata Pachhatuhpa Zisu Krista chhâzaw khinarâh liata a ngia theina cha, pasai ngaitapa ta piepa nama châ aw.

BIEPHUAH 1:6

khinarâh ta miah padua ta, a Khazohpa nata a Paw lâta theihthaipa ta miah taotuhpa Zisu Krista hnohta, ano hnohna tlai chata rônahna nata biehneina chhâzaw nata tlyzaw ta y mawh sy! Amen.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.