LUKA 12:21 - Mara Bible RV (BSI)

²¹ Ano châta sôh pachô ta, Khazohpa lâta hneirôh tlôh leipa cha, cha chyhsa hawhta a châ aw,” tah ta.

LUKA 12:21 ပူးပေါင်းရင်းမြစ်များ

BIESOZY 13:7

Chyhsa pakha cha anosasyh hneirôhpa hawhta â tao ta, Châhrasala a hneipa y leipa ta; Chyhsa hropa ta sipasapa hawhta â tao ta, Châhrasala sôh hluhpi a hnei.

HÔSIA 10:1

Izarei cha kre zôh sichâphapa châ ta, A pathei pha ngaita tyh. A pathei hluh via nahta, Maisâh hluh via tao ta; A râh a pha via nahta, Panana tôh a hluh via.

HABAKU 2:9

“Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!

LUKA 12:33

Nama hneipazy zuah u la, phahlapazy pie teh u. Parutuhpa ta a paru thei leina nata chhoma-u ta a parao thei leina vârâh liata tâkâ byh a chy beih leipa nata ryu a chhâ beih leipazy a pachô teh u.

LUKA 16:11

Khizaw sôh chô liata hmah ngâ namâ chhih vei khiahta cha, ahy ma sôh hmeiseihpa châ pavaosa ngâh aw ei?

LUKA 6:24

“Nâmo, tahmâ ta hneirôhpazy deikua cha, nama hu a po na, nama lymâ nama hmô hapa vâta.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

2 KAWRINI 6:10

Pachârôh awpa ta pachâpa châ pi ta, châhrasala khâ eimâ ly. Dyhchhiepa hawhta pachâpa châ pi ta, châhrasala chyhsa hluhpi a pahneirôhsapa eima châ. Khâpa hmah a hnei leipa hawhta pachâpa châ pi ta, châhrasala ato eima hnei.

1 TIMAWTHY 6:9

Hneirôh a chhuahpazy ta reipasaona liata a ngia ei ta, khoheih liata amâ ao tyh. Âmo a parao thei awpa hmozy khoh ei ta, hru kawpa ta hmo taopa ta, ama pao tyh. Hneirôh khona ta chyhsazy cha raona nata leidiana liata a pamôh tyh ei.

ZÂMIE 2:5

Unawh kho ngaitapa saih u, pachâ tua u! Khizaw pachâ ta dyhchhiepazy cha, ngiapâna liata hneirôh awpa nata ano kyh pachâtuhpazy hnohta bie â taihpa khinarâh ryutotuhpazy châ awpa ta, Khazohpa ta â tlyhpazy châ veih ei ma?

BIEPHUAH 2:9

“‘Na pasataozie nata na dyhchhiezie zy ei pahno. Châhrasala hneirôhpa na châ. Zu hmeiseihpa châ tlôh leipa ta Zu â tahpa, Sâtâ pakhyna o a châpazy ta ama cha reipachhiena chhao ei pahno.