Hâmâ ta sôh nata piah a hnei hluhzie zy, sawchapaw a hneipa zie zy, abei ta a pakiasâhsana, a palyupalihna nata beimachâ nata chakaotuhpa hropazy hlâta chônô viapa ta a sona thâtihzy âmo cha chho ta.
A châ na, chyhsapa he la, Nohpahlipa hawh dei ta khizaw liata charei ta, Hraoleipa hmo liata a tymâpa ta, A chhâna lâta ahy ma a pakhy aw tahpa pahno leipa ta, Sôh hluhpi a pachô.
Chyhsa pakha cha anosasyh hneirôhpa hawhta â tao ta, Châhrasala a hneipa y leipa ta; Chyhsa hropa ta sipasapa hawhta â tao ta, Châhrasala sôh hluhpi a hnei.
“A vy teh u, kresawhti vaw cheih aw na ta, Sahma ta a pabie tua ei si; Mylâ chhao tanoh hawhna heta a châ heih aw, He hlâ chhao ta hmah a pha via syulyu aw,” Ama tah tyh.
Hmo doleipa taopa ta a hneirôhpa cha, Ano tih leipazy tlô ta a pakeisapa Bykheihpa hawhta a châ; A lochona daihti liata ano cha siesai aw ei ta, A chhâna lâta cha ahrupa lâta a pua aw.
Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.
He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.