LUKA 12:2 - Mara Bible RV (BSI)

² A lâ lei awpa ta khupa khâpa hmah y leipa ta, pahno lei awpa ta nyupa khâpa hmah y vei.

LUKA 12:2 ပူးပေါင်းရင်းမြစ်များ

BIECHHOTUHPA 12:14

Khazohpa ta hmo taopa zydua, a phapa chhao, a chhiepa chhao, pachia khai aw ta, arulâta taopa zydua chhao a pachia khai aw.

ZEREMIAH 16:17

Ama hrozie zydua ei hmô khai. Kei tawhta a nyu thei leipa ei ta, ama paraona chhao ei mo tawhta a nyu thei vei.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

MÂKA 4:22

Palâ lei awpa ta nyupa khâpa hmahta y leipa ta, a luah lei awpa bierupa khâpa hmah y vei.

LUKA 8:17

Phuah lei awpa ta phihpa khâpa hmah y leipa ta, pahno lei awpa nata a lâ lei awpa ta nyupa khâpa hmah y vei.

RAWMA 2:16

Thâtihpha ei reipa hawhna heta, Khazohpa ta Krista Zisu hmâpa ta chyhsapa bieruzy a pachia noh liata, cha hawhna chata a châ aw.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.