LUKA 12:13 - Mara Bible RV (BSI)

¹³ Zawpi hry liata chyhsa pakha ta Zisu hnohta, “Pachutuhpa, ryu na pachhaih awpa ta ei unawhpa na chhopa teh,” tah ta.

LUKA 12:13 ပူးပေါင်းရင်းမြစ်များ

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

LUKA 12:12

Nama rei awpa cha Thlahpa Pathaihpa ta a daihtita liata a cha pachu lymâ aw ei,” tah ta.

LUKA 12:14

Châhrasala Zisu ta a hnohta, “Chyhsa, kei he ahy ma nâmo chô liata ryureituhpa nata ryu pachhaihtuhpa ta nâ tao?” tah ta.

LUKA 6:45

Chyhsa phapa ta a palôh ryubyh phapa tawhta hmo phapa papua tyh ta, chyhsa chhiepa ta a palôh ryubyh chhiepa tawhta hmo chhiepa a papua tyh. Chyhsa ta a palôh liata a bie pakhôpa cha, a pakah ta a papua tyh.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.