LUKA 12:12 - Mara Bible RV (BSI)

¹² Nama rei awpa cha Thlahpa Pathaihpa ta a daihtita liata a cha pachu lymâ aw ei,” tah ta.

LUKA 12:12 ပူးပေါင်းရင်းမြစ်များ

PUASAINA 4:11

Abeipa ta a hnohta, “Ahy ma chyhsapa pakah he a tao? Reih pathlie thei leipazy, nahpâpazy, mopavâpazy nata mochaopazy chhao he, ahy taopa ma a châ? Kei Abeipa ta ei taopa châ vei ma?

PUASAINA 4:12

Chavâta tahmâ sie teh, na pakah liata y aw na ta, na rei awpa ei cha pachu lymâ aw,” tah ta.

MATHAI 10:19

Ama cha patu tita, ‘Kheihta ma bie eima reih aw, khâpa bie ma eima reih aw,’ tahpa ta nama nôpo khah sy. Nama rei awpa cha a daihtita liata piepa nama châ aw.

MATHAI 10:20

Bie a reih awpa cha nâmo châ veih ei chi, nama Paw Thlahpa ta nâmo hmâpa ta tlao a reih aw.

LUKA 12:13

Zawpi hry liata chyhsa pakha ta Zisu hnohta, “Pachutuhpa, ryu na pachhaih awpa ta ei unawhpa na chhopa teh,” tah ta.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

HMOTAOPAZY 4:8

Pity cha Thlahpa Pathaihpa ta bie ta, ama hnohta, “Phopi ryureituhpazy nata machâzy saih u,

HMOTAOPAZY 6:10

Châhrasala sona nata Thlahpa ta bie a reipazy cha ei thei leipa ei ta.

HMOTAOPAZY 7:55

Châhrasala Stiphana cha Thlahpa Pathaihpa ta biepa ta, vârâh lâ sai ta, Khazohpa rônahna nata Khazohpa chachâh lâta Zisu â duahpa hmô ta.