LUKA 12:1 - Mara Bible RV (BSI)

¹ Cha nona chata, amâ tlypâ ngâna taihta zawpi sâh hluhpi a vaw hmaohpakhy ei ta, Zisu cha a pachupazy hnohta bie reih tua chai ta, “Phârisaihzy thinô liata a vaih teh u, cha cha phapakheina a châ.

LUKA 12:1 ပူးပေါင်းရင်းမြစ်များ

2 ABEIZY 7:17

Abei ta pheisaih hyutuhpa, a ku liata â pahniehpa cha thokhy chhikao vaituhpa ta tao ta. Zawpi ta ano cha thokhy chhikao kiapâh liata tlysao ei ta, Khazohpa chyhsa ta ano lâ abei â zu nota a reipa hawhta thi ha ta.

ZAWBÂ 20:5

Hmoparaopa thaphana cha chyuta ta, Khazoh a pahno leipa alyna cha buakha deita a châ tahpa pahno beih va chi ma?

ZAWBÂ 27:8

Khazohpa ta ano a pachâ leipa chhawh pathlah ta, A hrona a la tita, A châta khâpa hnabeiseihna ma a y?

ZAWBÂ 36:13

“Palôh liata Khazohpa a hnei leipazy cha, Hiehâhna pachô ei ta; Bâlia ta a chahry no chhao ei ta, Baona hiapa ta awh veih ei.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

LUKA 11:44

Nama hu a po na! Ngiana tao leipa thlâ châ ei chi ta, chyhsazy ta pahno leipa ta ama sie thlu tyhpa thlâ hawhta nama châ,” tah ta.

LUKA 12:56

Nâmo, phapakheipazy saih u, alei nata avâ yzie pahno thai ei chi ta, khazia tahmâhlâ hmo yzie he nama pahno thai vei?

LUKA 5:1

Noh kha cha zawpi ta Khazohpa bie nathlie awpa ta thata ama by nota, Zisu cha Kenesare tipo kiah liata a duah ta.

LUKA 5:15

Châhrasala a thâtih cha pathâh via rili ta, zawpi hluhpi ta a bie thei khohpa vâta nata ama pasanazy patlâh awpa khopa vâta a vypakhy ei ta.

LUKA 6:17

Ama hnohta zu ta, a bypa liata a duah ta. A pachupazy ano lâ a vy ei ta. Zudia râh zydua tawhta nata Zerusale khih tawhta nata tilaipi kiah Tyre nata Sidaw khihzy tawhta chyhsa hluhpi ano lâ a vy ei ta.

HMOTAOPAZY 21:20

Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.

1 KAWRINI 15:3

Hezy he bie peimawh chaipa ei daopa nâmo ei cha chho pachhuahpa ei kha a châ: Biehrai bie hawhta Krista cha eima moleina vâta thi ta,

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 PITY 2:1

Chavâta ahaona, haidihaiduana, phapakheina, hiatliana nata reipachhiena zydua bâhsai teh u.