LUKA 11:42 - Mara Bible RV (BSI)

⁴² “Nâmo, Phârisaihzy saih u, nama hu a po na! Pudinâ nata sysadi nata âhnalasi to tawhta su hrawh su kha pie tyh ei chi ta, adona nata Khazohpa kyhpachâna hmâchhâh uasa leipa ta nama y. Chazy cha nama tao awpa tlai châ ta, ahropazy chhao uasa leipa ta nama y awpa châ vei.

LUKA 11:42 ပူးပေါင်းရင်းမြစ်များ

NEHEMIAH 10:37

Viahchhâ eima tao tuapazy, eima thyunazy, theilâpa to, kresawhti nata sathaw zy eima Khazohpa o chhôhpadâhpa liata theihthaipazy lâ cheih tyh aw pi ta, eima chhaohlei patheipa su hrawh su kha chhao Livai pathlazy eima pie lymâ aw, Livai pathlazy cha eima raihriana khi to liata su hrawh su kha a pakhytuhpazy ama châpa vâta.

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

BIECHHOTUHPA 7:18

He he nâ patu awpa a pha, pathlie cheita khah y. Khazohpa a chituhpa cha, cha hawhta tah tu pâpa hnei lei awpa ta â vaih aw.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

MALAKHAI 1:6

“‘Sawchapaw ta a paw palyupalih ta, sei ta a zibeipa a palyupalih. Nâmo, theihthaipa, ei moh nâ pachhietuhpazy saih u, paw ei châ khiahta cha, ei phuhpa palyupalihna cha khataih liata ma a y? Zibeipa ei châ khiahta cha, ei phuhpa chizana cha khataih liata ma a y?’ Pheisaihzy Abeipa ta a cha tah ei. Châhrasala nâmo ta, ‘Kheihta ma na moh cha eima cha pachhie?’ nama tah.

MALAKHAI 2:17

Nama biezy ta Abeipa rie nama pathei kaw tyh. Châhrasala nâmo ta, “Kheihta ma Abeipa rie cha eima pathei,” nama tah. “Moleina hmo a taopa zydua Abeipa mohmô liata la pha khai ei ta, Abeipa ta â ly kaw ei na,” tah ei chi ta, “Adona Khazohpa cha khataih liata ma a y?” nama tahpazy liana heta Abeipa rie nama pathei haw.

MALAKHAI 3:8

Chyhsapa ta Khazohpa a hrao aw ma? Nâmo deikua ta cha eina hrao tyh ei chi. Châhrasala nâmo ta, ‘Kheih ta ma eima cha hrao tyh?’ nama tah. Su hrawh su kha nata thyunazy liata eina hrao tyh ei chi.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

MATHAI 23:27

“Nâmo, ryhpa pachutuhpa nata Phârisaih phapakheipazy saih u, nama hu a po na! Hlyu râhpa hniapa thlâ, a chô lâ a ngia ngaitapa ta a lâ ta, a chhôh lâ deikua cha athipa rureih nata pathaih leipa to ta a biepa nata namâ lyu.

LUKA 18:12

Hâta chareih ta ei no kâhvileipa ta y tyh na ta, ei hmôpa zydua tawhta su hrawh su kha ei pie lymâ,’ tah ta.

ZAWHÂNA 5:42

Nâmo deikua cha ei cha pahno ei, nâmo liata Khazohpa kyhpachâna hnei veih ei chi.

1 ZAWHÂNA 4:20

Chyhsa ta, “Khazohpa kyh ei pachâ,” tah sala, a unawhpa â hao tlôh khiahta cha, a haihpa a châ. A unawhpa a hmô thlâh hapa hmahta kyh a pachâ vei khiahta cha, a hmô leipa Khazohpa chhochhi cha kheihta ma kyh a pachâ thei aw?

1 SAMUELA 15:22

Samuela ta, “Abeipa ta, Abeipa ao nathliepa â lypa hawhta, Raopa hlânazy nata atheihnazy he â ly ma? Pachâ teh, atheihna hlâta reingiahna pha via ta, Mietaku tôhpa thaw hlâta bie nathliepa a pha via.