LUKA 11:15 - Mara Bible RV (BSI)

¹⁵ Châhrasala thokha ta, “Ahripa bei Belzebu moh ta ahripazy a papuapa a châ hih,” tah ei ta.

LUKA 11:15 ပူးပေါင်းရင်းမြစ်များ

MATHAI 10:25

Pachupa cha ano pachutuhpa a lyupa a daih ta, sei ta a zibeipa a lyupa â daih. O hneituhpa hmahta Belzebu ama tah khiahta cha, a chhôhkhazy chhochhi cha khatlu ta ma ama reipachhie via aw tly!

MATHAI 12:22

Chatawhcha ahripa ta a patupa, mochaopa nata reih pathlie thei leipa pakha a hnohta a vaw chhi ei ta. Zisu ta ano cha patlâh ta, reih pathlie thei leipa cha reih pathlie theipa ta, a mo pavâ ha ta.

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MATHAI 9:34

Phârisaihzy deikua ta, “Ahripa bei a châpa vâta ahripazy a papua theipa a châ hih,” tah ei ta.

ZAWHÂNA 10:20

Chyhsa hluhpi ta, “Ahripa hnei ta, a hru ha hih, khazia a bie nama nathlie?” tah ei ta.

ZAWHÂNA 7:20

Zawpi ta a chhy ei ta, “Ahripa azopa na châ he! Ahy ma thie châ chhuah?” tah ei ta.

ZAWHÂNA 8:48

Zuzy ta a chhy ei ta, a hnohta, “Samâri chyhsa châ chi ta, ahripa azopa na châ eima cha tahpa kha pado kaw ma pi ma?” tah ei ta.

ZAWHÂNA 8:52

Zuzy ta a hnohta, “Ahripa na châ tahpa tahmâ eima pahno haw. Abarahâ thi ta, hrohsopazy chhao thi ei ta, nâ deikua cha, ‘Chyhsa ta ei bie a zyh khiahta cha, thina padi beih aw vei,’ tah tlôh chi ta.