LUKA 11:13 - Mara Bible RV (BSI)

¹³ Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, khatlu ta khokhei viapa ta ma a hiahtuhpazy hnohta Thlahpa Pathaihpa a pie aw tly!” tah ta.

LUKA 11:13 ပူးပေါင်းရင်းမြစ်များ

ÂTHAONA 8:21

Abeipa ta ropahâhpa cha a thei nahta, Abeipa ta a palôh ta, “Alei he chyhsapa vâta chhiesa heih khao aw va na, chyhsapa palôrupa phaozie cha a hawti no tawhta moleipa châ tlôh ta. Tahmâ ta ei hriepa hawhna heta, hmohrohneipa to hrie heih khao aw va na.

HLAZY 51:5

Pachâ teh, paraona liata taopa châ na ta, Ei nô ta moleina liata a phaopa ei châ.

BIESOZY 1:23

Ei chhoreina lâ namâ vaw heih khiahta cha, Pachâ teh u, ei thlahpa cha hry aw ei na ta, Ei biezy ei cha pahnosa aw ei.

ISAI 49:15

“Chanô ta a saw sâhpi a ngiehpa a my thei aw ma? A chhi tawhta a puapa ngiachhie leipa ta a y aw ma? Chanôzy ta la ama sawzy ama my ngyu na, Kei deikua ta la cha my aw va na.

EZEKIA 36:27

Nama chhôh liata ei Thlahpa soh aw na ta, ei bieraopazy a chhih awpa nata ei biepiepazy zyh awpa ta ei cha tao aw ei.

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

MATHAI 5:16

Cha hawhna chata, nama khaihna cha chyhsa mohmô ta khaih mawh sy. Chatanachata nama hmo pha taopa hmô aw ei ta, nama Paw avâ liata a ypa ama palyupalih thei aw.

MATHAI 5:45

Chatanachata nama Paw avâ liata a ypa sawzy nama châ aw. Ano cha chyhsa chhiepa nata phapa chô liata noh pachhisa ta, chyhsa siapa nata sialeipa chô liata chhao avâ a pasuasa tyh.

MATHAI 6:14

“Nama chô liata hmo a paraopazy namâ ngiahthai khiahta cha, nama Paw vârâh liata a ypa ta a châ ngiahthai hra aw ei.

MATHAI 6:30

Hy nâmo, ngiapâ chyhpa saih u, râh liata sibiepa tanoh hroh ta, mylâ mei liata thy thlâh ha awpa hmahta Khazohpa ta cha tlatlu ta a tobi khiahta cha, nâmo chhochhi cha, cha tobi via syulyu aw veih ei ma?

MATHAI 6:32

Zenitaizy ta cha hmo zydua cha ama tlua tyh. Cha zydua cha namâ ngiahpa a châ tahpa nama Paw vârâh liata a ypa ta a pahno.

MATHAI 7:11

Nâmo, moleipazy chi hmahta, nama sawzy hmo phapa piena châh nama pahno khiahta cha, nama Paw vârâh liata a ypa chhochhi ta cha, kha tlu ta hluh viapa ta ma a hiahtuhpazy hnohta hmo phapa a pie aw tly!

LUKA 11:12

Awhtih hiah sala, râh cha-ia a pie aw ma?

LUKA 11:2

Zisu ta ama hnohta, “Thlah nama chhâ tita, hetana heta nama chhâ aw: “‘Eima Paw vârâh liatapa, Na moh zachhih mawh sy. Na khinarâh vaw tlô mawh sy.

LUKA 18:7

Khazohpa chhochhi ta cha, â tlyhpa, chhô nah zâ ta ano a awsaopazy châta hmo dopa taopa leipa ta a y aw ma? A pahawh pasâh aw ma?

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

RAWMA 5:17

Chyhsa pakha moleina vâta, cha chyhsa pakha vâta hmahta thina ta ryu a reih khiahta cha, chyhsa pakha, Zisu Krista vâta ngiachhiena hluh ngaitapa nata siana hmosaipiepa a daotuhpazy chhochhi ta cha, hrona liata ryu ama reih tlai aw.

RAWMA 7:18

Ei sapa liata hmo phapa rai y vei tahpa ei pahno. Hmo pha tao khona keima liata y ta, châhrasala tao theina hnei va na.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.