LUKA 10:42 - Mara Bible RV (BSI)

⁴² Hmo miakha deita a byuh. Mâri ta tovyuh phapa a tlyh ta, cha cha lapa awpa châ vei,” tah ta.

LUKA 10:42 ပူးပေါင်းရင်းမြစ်များ

HLAZY 119:111

Na bieraopazy cha kei châta ei chhâzaw ryuto châ ta, Ei palôh alyna a châ.

HLAZY 119:173

Na pachunazy ei tlyh hapa vâta, Na bao awpa ta na ku khâ a mâ thlâh ha mawh sy.

HLAZY 119:30

Ngâchhihna hro a tlyh ha na ta, Na ryhpazy ei vao thlâh haw.

HLAZY 142:5

Hy Abeipa, cha aw na ta, “Ei chhaina châ chi ta, Ahrohpa râh liata ei tovyuh na châ,” ei cha tah.

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 27:4

Abeipa liata hmo miakha hiah na ta, Cha hmo cha khâ ei tlua aw; Cha cha ei hro chhôh noh zydua liata Abeipa o liata pahrâ ta, Abeipa angianazie sai ta, Achhyna o liata thlahchhâ awpa a châ.

HLAZY 73:25

Avâ liana khi ta, Nâ leipa ta ahy hropa ma ei hnei tly? Alei liana chhao heta, Nâ leipa ta khopa hro hnei va na.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

MÂKA 8:36

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw?

LUKA 10:39

Marthâ cha narô pakha, a moh Mâri ama tahpa hnei ta. Mâri cha Abeipa phei thaby liata a tyuh ta, a bie nathlie ta.

LUKA 11:1

Noh kha cha su miakha liata Zisu cha thlahchhâ ta, a chhâ khai nahta, a pachupa pakha ta a hnohta, “Abeipa, Zawhâna ta a pachupazy thlachhâzie a pachupa hawhna khata, nâ chhao thlahchhâzie miah pachu hra teh,” tah ta.

LUKA 12:20

Châhrasala Khazohpa ta a hnohta, ‘Ahrupa! Tazâ he na thlahpa lapa châ aw ta, na hmo hneipazy kha ahyzy ma a to aw ei?’ tah ta.

LUKA 12:33

Nama hneipazy zuah u la, phahlapazy pie teh u. Parutuhpa ta a paru thei leina nata chhoma-u ta a parao thei leina vârâh liata tâkâ byh a chy beih leipa nata ryu a chhâ beih leipazy a pachô teh u.

LUKA 16:2

Sôh mohôhtuhpa cha aw ta, a hnohta, ‘Na thâtih ei theipa he khâpa ma a yzie? Sôh na mohôhna rona châbu vaw pangia teh. Sôh mohôhtuhpa châ thei khao aw va chi,’ tah ta.

LUKA 16:25

Châhrasala Abarahâ ta, ‘Ei saw y, nâ cha na hro chhôh ta hmo phapa to chi ta, Lâzarâh deikua cha hmo chhiepa a topa kha pahno châh chi. Châhrasala tahmâ ano cha he liata thlahpalôhpa ta y ta, nâ cha pasa na tao kha zaw.

LUKA 18:22

Cha cha Zisu ta a thei nahta, a hnohta, “Hmo miakha a phahlapa na hnei. Na hneipa zydua zuah la, dyhchhiepazy rai mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta.

LUKA 8:18

Chavâta nama bie theipa liata a chado teh u. A hneipa cha baichhapa châ aw ta, a hnei leipa cha, hneipa hawhta â pachâpa chhao, ano tawhta lapa a châ aw,” tah ta.

ZAWHÂNA 11:1

Mâri nata a narônô Marthâ yna Bethâni khih liata chyhsa pakha, a moh Lâzarâh ama tahpa pasa ta.

ZAWHÂNA 11:19

Ama rilâhpa mâchhie ama sapa thlapalôh awpa ta, Zu chyhsa hluhpi Marthâ nata Mâri o lâ a vy ei ta.

ZAWHÂNA 12:3

Mâri ta spinâ thaw ropahâh ngaitapa ôh kha vaw cheih ta, Zisu phei liata thu ta, a sâ ta a pheizy cha hru ta. O cha sathaw ropahâhpa ta bie khai ha ta.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

ZAWHÂNA 6:27

Pati a leilô theipa châta hria leipa u la, chhâzaw hrona taihta a y awpa pati, Chyhsa Sawchapawpa ta a cha pie awpa ei châta tlao hria teh u. Paw Khazohpa ta ano cha chahnao pa-i ha tlôh ta,” tah ta.

1 KAWRINI 13:3

Ei hneipa zydua dyhchhiepazy pie khai ha hraw sah la, ei pôhpa mei liata rao awpa ta a pie hraw sah la, kyhpachâna ei hnei tlôh leipa khiahta la, ei châta khâpa hmah phahnai vei.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

RYHPACHANEINA 30:19

Nama hmiakô liata hrona nata thina soh na ta, byhnâ nata chhiesana ei soh tahpa pahnokheituhpa châta tanoh he avâ nata alei ei aw ei. Hrona a tlyh u la, chatanachata nâmo nata nama chipathlazy nama hroh aw.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

ZAWSUA 24:22

Zawsua ta zawpi hnohta, “Abeipa chakao awpa ta namâ tlyhpa kyh liata pahnokheituhpazy cha nâmosasyh tlai nama châ,” tah ta. Âmo ta, “Pahnokheituhpazy eima châ,” tah ei ta.