LUKA 10:31 - Mara Bible RV (BSI)

³¹ Theihthaipa pakha, cha lâpi lâta zu chho ta, chyhsa cha a hmô nahta, lâkiah hiakha lâta chahrih ha ta.

LUKA 10:31 ပူးပေါင်းရင်းမြစ်များ

2 SAMUELA 1:6

A chhotuhpa satlia ta, “Kheihtazie ta tlyma Kibô Tlâh liata vaw y na ta, Sawla cha asei a hniehpa ta a duah thlâh ha ta, talailihzy nata arâ pheisaihzy ta ano cha a vaw hnia via ngâ kaw ei ta.

HLAZY 142:4

Ei chachâh lâ a heih la moh tua rai, Nâ pahnopa y khao veih ei; Ei chhai nawpa y khao leipa ta, Ei hro kyh a pachâpa y khao veih ei.

HLAZY 69:20

Reipachhienazy ta ei palôh pasasa ei ta, Pachârôhpa ta ei y. Nâ ngiachhie awpa tlua na ta, Châhrasala ahy hmah y veih ei; Thlah nâ palôh awpa tlua na ta, Châhrasala pakha hmah hmô veih ei na.

BIESOZY 21:13

Sipasapa awna lâta a nah a chahupa cha, Ano chhao awh aw ta a chhypa châ aw vei.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

HÔSIA 6:9

Hraotuhpazy ta chyhsa amâ byhpa hawhta, Theihthaipazy chhao ta ama tao hra; Sekhe lâpi liata chyhsa thie ei ta, Moleina pasichhih ngaitapazy ama tao.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

LUKA 10:30

Zisu ta a chhy ta, “Chyhsa pakha Zerusale tawhta Zerikô lâ zu ta, hraotuhpazy a tyh ta, cha chyhsazy chata a chysiazy pahluhpa ei ta, thata tu ei ta, thi daihmâpa ta siesai ei ta.

LUKA 10:32

Cha hawhna hra chata Livai chyhsa chhao, cha su cha za tlô ta, a hmô nahta, lâkiah hiakha lâta chahrih ha hra ta.

RUTHI 2:3

Ruthi cha a thao ta, sie ta, lyu liata sâh hriatuhpazy hnôh lâta kâmo thoh laih ta. Elimele phoheihpa Bôaza lyu liata kei sie chho ta.