LUKA 10:25 - Mara Bible RV (BSI)

²⁵ Dâhthaipa pakha a kaw duah ta, Zisu cha pasia a chhuahpa ta a hnohta, “Pachutuhpa, chhâzaw hrona ei hnei nawpa ta khâpa ei tao aw?” tah ta.

LUKA 10:25 ပူးပေါင်းရင်းမြစ်များ

MÂKA 10:17

Sie awpa ta a pua nahta, chyhsa pakha ano lâ a vaw râ ta, a hmiakô liata pakhu paneih ta, a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta.

MÂKA 10:3

Zisu ta ama hnohta, “Mawsi ta kheihta ma bie a cha pie ei?” tah ta.

MÂKA 12:28

Ryhpa pachutuhpazy hry liata pakha ano lâ a vy ta. Bie amâ ei ngâpa cha thei ta, a phapa ta â chhy lymâpa a hmô nahta, Zisu hnohta, “Biepiepa zydua hry liata khâpa ma a peimawh chai?” tahpa ta hiahri ta.

LUKA 10:24

Ei cha chho ei, hrohsopa hluhpi nata abei hluhpi chhao ta nama hmôpazy he hmô khoh kaw tyh ei ta, châhrasala hmô veih ei. Nama theipazy he thei khoh kaw tyh ei ta, châhrasala thei veih ei,” tah ta.

LUKA 10:26

Zisu ta a hnohta, “Ryhpa châbu liata khâpa â roh? Kheihta ma cha cha na rei tyh?” tah ta.

LUKA 18:18

Ryureituhpa pakha ta a hnohta, “Pachutuh phapa, chhâzaw hrona ei hnei thei nawpa ta khâpa ei tao aw?” tah ta.

LUKA 7:30

Phârisaihzy nata ryhpa pachutuhpazy deikua cha, âmo châta Khazohpa ryhraona cha khoh veih ei. Âmo cha Zawhâna liata bâti a châ leipazy ama châ.

ZAWHÂNA 8:6

Cha bie cha ano pasia nawpa ta reih ei ta, ano leih nawpa ama hmô thei nawpa ta ama reipa a châ. Zisu cha a bôh ta, a kudy ta alei liata roh ta.

KALATIA 3:18

Ryuto râh cha ryhpa vâta topa a châ khiahta cha, bietai vâta topa châ aw vei. Châhrasala Khazohpa ta bie a taih ta, ryuto râh cha Abarahâ hnohta piepa a châ.