LUKA 10:24 - Mara Bible RV (BSI)

²⁴ Ei cha chho ei, hrohsopa hluhpi nata abei hluhpi chhao ta nama hmôpazy he hmô khoh kaw tyh ei ta, châhrasala hmô veih ei. Nama theipazy he thei khoh kaw tyh ei ta, châhrasala thei veih ei,” tah ta.

LUKA 10:24 ပူးပေါင်းရင်းမြစ်များ

MATHAI 13:16

“Nâmo deikua cha nama nohlao kaw dia! Nama mozy ta hmô ta, nama nahzy ta a thei.

LUKA 10:23

Chatawhcha pachupazy lâ a heih ta, arulâta ama hnohta, “Nama hmôpazy a hmô hrapa mozy cha ama nohlao kaw dia!

LUKA 10:25

Dâhthaipa pakha a kaw duah ta, Zisu cha pasia a chhuahpa ta a hnohta, “Pachutuhpa, chhâzaw hrona ei hnei nawpa ta khâpa ei tao aw?” tah ta.

ZAWHÂNA 8:56

Nâmo châ pathlatuhpa Abarahâ kha, keima noh hmô awpa hnabeiseihpa ta, a thapha ngaita tyh. Ei noh cha hmô tlai ta, â ly ngaita,” tah ta.

HEBRAI 11:13

Cha zydua cha ngiapâna hneipa ta thi ha ei ta. Ama hnohta bietaipa hmozy ama to mâh leipa chhao ta, lâhlapi tawhta saipa ta a naoh ei ta, alei liata cha khichhaipa nata khitlyhpa dei ama châ tahpa ama pahno.

HEBRAI 11:39

Cha chyhsa zydua cha, amâ ngiapâna vâta reithaina hlao tlai ei ta, bietaipa deikua hmô mâh veih ei.