LUKA 10:19 - Mara Bible RV (BSI)

¹⁹ Pachâ teh u, parihzy nata râh cha-iazy tlybai theina nata khakhaipa hmotaotheina zydua chô liata biehneina ei cha pie ei. Khâpa ta hmah cha pasasa aw veih ei.

LUKA 10:19 ပူးပေါင်းရင်းမြစ်များ

2 THÂTIHZYRONA 10:11

Ei paw khata raopaky a hri ngaitapa cha pakysa ei ta, kei ta nama raopaky ei baichha aw. Ei paw ta sôsi ta cha chhorei ei ta, kei ta râh cha-ia ta ei cha chhorei aw ei,’ tahpa ta nâ chhy aw,” tah ei ta.

HLAZY 91:13

Chakeibarôhneipa nata vâzi zy tlypâ aw chi ta, Chakeibarôhneipa lochopa nata parihpi chhao, Phei ta na tlysao aw ei.

ISAI 11:8

Hawti sâhpi a pazypa cha, Chyuphao khaoh chô liata palao aw ta; Hawti sâhpi a pathleih hapa chhao, Vâzi khaoh liata a ku a chahraoh aw.

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

MÂKA 16:18

ku ta parihzy patu aw ei ta, thina châmaih kheihawhpa rai doh hra ei sala, âmo pasasa aw vei. Tlâhleipazy chô liata ama ku pahnieh aw ei ta, ama tlâh lymâ aw,” tah ta.

LUKA 11:12

Awhtih hiah sala, râh cha-ia a pie aw ma?

HMOTAOPAZY 28:5

Châhrasala parih cha mei liata chatho pathlah ta, kheihta hmah y leipa ta.

RAWMA 16:20

Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.

BIEPHUAH 11:5

Ahy rai ta âmo cha pasasa amâ chhuah khiahta cha, ama pakah tawhta mei vaw pua aw ta, ama khakhaipazy cha a kâ khai aw. Âmo pasasa a chhuahpa maih cha, cha hawhta thiepa ama châ aw.