LUKA 10:18 - Mara Bible RV (BSI)

¹⁸ Zisu ta ama hnohta, “Dôhla pathliepa hawhta Sâtâ avâ tawhta a za tlapa ei hmô.

LUKA 10:18 ပူးပေါင်းရင်းမြစ်များ

ISAI 14:12

“Hy Deiva Awhsi, My khihdei sawchapawpa, Avâ tawhta dia na za tla haw! Hy râhzy a panawhtuhpa, Alei taihta chhawh pathlapa ta dia na y haw!

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

ZAWHÂNA 12:31

Tahmâ he khizaw pachiana daihti châ ta, tahmâ he khizaw bei cha thypa a châ aw.

ZAWHÂNA 16:11

Pachiana kyh liata ama thaileichâna cha, khizaw ryureituhpa he a thâtih pachiapa a châ hapa vâta a châ.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

BIEPHUAH 20:2

Drâkao parih hlôpa, ahripa nata Sâtâ cha patu ta, kô sâh kha châta chahry ta.

BIEPHUAH 9:1

Chatawhcha vâlyuhchâpa papangawhna ta a chiahmie vaw tô ta, awhsi avâ tawhta alei lâ a tlapa hmô na ta, leichiepa khaohtlô pahyna châhbi a hnohta piepa châ ta.