LUKA 10:17 - Mara Bible RV (BSI)

¹⁷ Sysari nata panozy cha a ly ngaitapa ta a vaw lie ei ta, “Abeipa, na moh vâta ahripazy eima rei sai ta ama y!” tah ei ta.

LUKA 10:17 ပူးပေါင်းရင်းမြစ်များ

MATHAI 4:24

Suria râh zydua liata a moh pathâh ta, chyhsa tlâhleipa zydua, pasana a hneipa nata hri ohpazy, ahripa patupazy, riapamiepazy nata asypazy a hnohta a vaw chhi ei ta, patlâh lymâ ta.

MÂKA 16:17

He ngianazy heta ngiapâtuhpazy cha a zi lymâ aw: Ei moh ta ahripazy papua aw ei ta, reih thiehpa ta reih aw ei ta,

LUKA 10:1

Cha khai tawhta Abeipa ta chyhsa hropa sysari nata pano rao ta, a sie nawpa khih to nata su to liata a hmia lâta pano lymâ ta pasiesa chhielie ta.

LUKA 10:20

Châhrasala thlahpazy nama rei sai ta ama ypa vâta a ly leipa u la, vârâh liata nama moh ropa a châpa vâta tlao a ly teh u,” tah ta.

LUKA 10:9

Cha liata tlâhleipazy patlâh u la, ama hnohta, ‘Khazohpa khinarâh ta a châ hnia ei,’ tah muh vy.

LUKA 9:1

Zisu ta pahrawh hleinozy awpakhy ta, ama hnohta ahripa zydua chô liata hmotaotheina nata biehneina nata pasanazy patlâh theina pie ta.

RAWMA 16:20

Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.

EPHESI 5:24

Awnanopa ta Krista liata â ngiarihpa hawhta, lapinôzy chhao ato liata ama vahpazy liata amâ ngiarih awpa a châ.