LUKA 10:14 - Mara Bible RV (BSI)

¹⁴ Pachiana noh liata, nâma pasa tao awpa hlâta Tyre nata Sidaw pasa tao awpa a zie a y via aw.

LUKA 10:14 ပူးပေါင်းရင်းမြစ်များ

ZÔELA 3:4

“Nâmo, Tyre, Sidaw nata Philistinâ râhzy saih u, ei châta khâpa ma nama châ tly? Ei hmotaopa kheihawhpa vâta ma viari eina thô ei chi tly? Viari eina thô khiah ei chi ta cha, nama viarithôna cha nâmo luh chô lia tlai ta a chatliepa nata a parapa ta ei vaw pakuasa aw.

AMÔSÂ 1:9

Abeipa ta heta na heta a tah: “Tyre moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa Edômâ lâ hlâ ei ta, A unawhna biehrai amâ thei khao leipa vâta.

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

MATHAI 10:15

Hmeiseihta ta ei cha chho ei, ryureina noh liata, cha khih hlâta Sawdawmâ nata Kawmawrâ pasa taopa a zie a y via aw.

MATHAI 11:21

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.

ZAWHÂNA 3:19

He he thailei pachâsana cha a châ: Khaihpa khizaw lâ a zu ta, châhrasala chyhsazy ta khaihpa hlâta zohna ama khoh via, ama hmotaopazy a moleipa vâta.

RAWMA 2:1

Chavâta Hy chyhsapa, nâ, mohropa a sei thaipa, rei awpa rai hnei va chi. Mohropa na seina liana tlai khata, nâmasasyh ta thailei nâ pachâsa haw, nâ, seituhpa tlai chhao chi kha, cha hawhpa hmozy a tao tyhpa na châ hrapa vâta.

RAWMA 2:27

Chavâta a pôhpa liata chopawtai leipa, châhrasala ryhpa a zyh pakipa chata, nâ, ryhpa bie ropa ta a hneipa nata chopawtaipa, châhrasala ryhpa a paraotuhpa chi cha, thailei a cha pachâ aw.