LUKA 10:11 - Mara Bible RV (BSI)

¹¹ ‘Nama khih buchadoh eima phei liata â baipazy taihta eima cha chatho thlu hih. Châhrasala Khazohpa khinarâh cha â hnia haw tahpa pahno muh vy,’ nama tah aw.

LUKA 10:11 ပူးပေါင်းရင်းမြစ်များ

EZEKIA 2:5

Saw chhorupazy châ ei ta, ama nathlie tlyma, nathlie vei tlyma, ama hry liata hrohsopa a y tahpa chhâ cha ama pahno aw.

MATHAI 10:14

Ahy rai châ ly leipa tlyma, nama biezy a nathlie leipa tlyma cha, cha o tawhta tlyma, cha khih tawhta tlyma nama pua tita, nama phei liata buchadoh chatho thlu teh u.

MATHAI 10:7

Nama siena liata, ‘Vârâh khinarâh cha â hnia haw,’ tahpa ta chho lymâ teh u.

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MÂKA 6:11

Châ ly leipa nata nama bie a nathlie khoh leipa khihzy cha, nama puasai tita, ama thaileichâna pahnosana châta nama phei liata buchadoh chatho thlu teh u,” tah ta.

LUKA 10:10

Khih namâ ngiapa liata ama châ ly vei khiahta cha, ama lâlaizy liata sie u la, ama hnohta,

LUKA 10:9

Cha liata tlâhleipazy patlâh u la, ama hnohta, ‘Khazohpa khinarâh ta a châ hnia ei,’ tah muh vy.

LUKA 9:5

Châ ly leipa maih cha, cha khih tawhta nama pua tita, ama thaileichâna pahnosa nawpa ta nama phei liata buchadoh chatho thlu teh u,” tah ta.

HMOTAOPAZY 13:26

“Unawh saih u, Abarahâ pathla sawzy saih u, nama hry liata Khazohpa a chipa zydua saih u, he pachhana bie he keimo hnohta paphaopa eima châ.

HMOTAOPAZY 13:40

Chavâta a hrohrua teh u, chataleipatala, hrohsopazy châbu ta,

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 13:51

Pawla nata Bânabâ ta âmo cha ama phei buchadoh chatho thlu ei ta, Ikônia khih lâ ama sie haw.

RAWMA 10:21

Izarei kyh lia chhao ta Isai ta, “Noh y ta, Reingiah leipa phopi lâta ei ku pazawh na ta, Chhorupa phopi lâta ei bâh ei pazawh,” tahpa ta a vaw reih haw.

RAWMA 10:8

Cha bie chata khâpa ma a reih? “Bie ta a châ hnia, na pakah nata na palôh liata a y,” tah ta, cha bie cha ngiapâna bie eima chhopa he a châ.

HEBRAI 1:3

Ano cha Khazohpa rônahna khaihpaliepa nata Khazohpa chhichâna a hneipa châ ta, a bie hmotaotheina bie ta ato a pabohsa. Moleinazy a pathaisa khai tawhta, chô lâ Beichaipa chachâh lâta a tyuh ha ta.