LUKA 1:9 - Mara Bible RV (BSI)

⁹ Theihthaipazy taozietyhpa hawhta, Abeipa Achhyna o liata a ngia ta, ropahâhpa rao awpa ta nuby a daopa châ ta, cha cha Zekaria chô liata tlu ta.

LUKA 1:9 ပူးပေါင်းရင်းမြစ်များ

1 THÂTIHZYRONA 23:13

Amrâ sawchapawzy cha Arawna nata Mawsi ama châ. Arawna cha hmo pathaihpazy hria awpa ta pananopa châ ta, ano nata a pathlazy cha ropahâhpazy Abeipa hmiakô liata a rao tyh awpazy châ ei ta, Abeipa chakaopa ta, a moh ta byhnâ a aw tyh awpazy ama châ.

1 THÂTIHZYRONA 6:49

Arawna nata a pathlazy deikua cha­, Khazohpa chakaotuhpa Mawsi ta bie a vaw piepa zydua hawhta, Su Pathaih Chaipa raihria zydua hriapa ta, Izarei châta chatlaina tao awpa ta, raopa hlâna maisâh liata nata ropahâhpa hlâna maisâh liata atheihna hlâna chakaona rai a hriatuhpazy ama châ.

2 THÂTIHZYRONA 26:16

Châhrasala thatlôpa ta a vaw y nahta, Uzia cha a palai ta, cha chata ano châta raona a tlôkhei haw. Abeipa a Khazohpa châta ngâchhih leipa ta y ta, ropahâhpa maisâh liata ropahâhpa rao awpa ta Abeipa Achhyna o lâ a ngia ta.

2 THÂTIHZYRONA 29:11

Ei saw saih u, diathlâpa ta y khuh vy. Abeipa ta a hmiakô liata a duah ta, ano chakao ta, ano châta chakaotuhpazy châpa ta, atheihnazy hlâ awpa ta a châ tlyh ei hih,” tah ta.

MALUHREINA 16:40

Abeipa ta Mawsi hmâpa ta Eliaza hnohta a reipa hawhta, cha cha Izarei sawzy zikyurâna châta taopa a châ. Arawna pathla a châ leipa chyhsa ahy hmahta Abeipa hmiakô liata ropahâhpa rao awpa ta amâ hnia awpa châ vei. A tao raruahpa cha, Kôrâ nata a sahlaozy hawhta ama châ aw.

MATHAI 27:5

Zudâh ta tâkâ cha Achhyna o chhôh liata thy ta, pua ta, sie ta a paaosao ha ta.

HEBRAI 9:6

Cha hawhta ato pachhuahpanohpa a châ khai tawhta, theihthaipazy cha ama chakaona rai hria awpa ta, byureih tytuapa lâ cha noh chareih amâ ngia tyh.

1 SAMUELA 2:28

Châ pathlatuhpa kha ei theihthaipa châ awpa ta Izarei chi zydua hry tawhta a tlyh na ta, ei maisâh kiah ta, ropahâhpa rao awpa nata ei hmiakô liata ephaw a ky awpa ta ei tlyhpa a châ. Izarei sawzy tawhta mei ta raopa hlâpa zydua chhao châ pathlatuhpa pathlazy hnohta ei pie khai ei