LUKA 1:8 - Mara Bible RV (BSI)

⁸ Chatawhcha hetana heta vaw châ ta. Noh kha cha ano py chakao daihti liata, Zekaria chhao Khazohpa hmiakô liata theihthaipa chakaona rai hria hra ta.

LUKA 1:8 ပူးပေါင်းရင်းမြစ်များ

1 THÂTIHZYRONA 24:19

Âmo cha Abeipa, Izarei Khazohpa ta ama pathlatuhpa Arawna hnohta bie a piepa hawhta, ama nuby lymâ hawhta Abeipa o chhôh liata chakaona rai hria awpa ta raopa ama châ.

1 THÂTIHZYRONA 24:2

Nâdâ nata Abihu cha ama paw thi hlâta thi ha ei ta, saw hnei veih ei. Chavâta Eliaza nata Ithamâ ta theihthaipa rai cha ama hria.

2 THÂTIHZYRONA 11:14

Zerôbaw nata a sawchapawzy cha theihthaipa chakaona rai ama hriana tawhta ama pabâ hapa vâta, amâ hlypa râh nata ama o nata lyuzy puasaipa ta, Zudâh râh nata Zerusale lâ ama pangai haw.

2 THÂTIHZYRONA 31:19

Livai khihpizy lyu liata a pahrâpa Arawna pathla theihthaipa chapawzy nata Livai pathla moh ropazy hnohta ama tovyuhzy rai awpa ta, khihpizy liata chyhsa rao eihpazy sopa ama châ.

2 THÂTIHZYRONA 31:2

Hezekia ta theihthaipazy nata Livai pathlazy cha Abeipa o liata raopa hlâna nata aryhna hlâna chakaona rai hria awpa ta zy, chhikao vaih awpa ta zy, alyna bie rei awpa nata reithaina hla sa awpa zy ta a py py ta pachhaih ta, ama chakao awpazy rairuah ta.

2 THÂTIHZYRONA 8:14

A paw Dâvi ta a vaw rao hapa hawhta, theihthaina rai hria awpa ta theihthaipazy cha a py py ta pachhaih ta, Livai pathlazy chhao theihthaipazy hmiakô liata reithaina hla sa awpa ta noh chareih ta â ngiahnazie hawhta a py py ta pachhaih ta, chhikao vaituhpazy chhao ama chhikao vai awpa chyu ta a py py ta a pachhaih ei. Cha hawhta tao awpa ta, Khazohpa chyhsa Dâvi ta bie a vaw pie hapa a châ.

EZRÂ 6:18

Mawsi Châbu liata ropa hawhta, Zerusale liata Khazohpa chakao awpa ta theihthaipazy nata Livai pathlazy cha âmo py chyu liata y awpa ta raopa ama châ.

PUASAINA 28:1

“Na unawhpa Arawna cha, a sawchapawzy chhaota, Izarei sawzy hry tawhta pananopa ta na hnohta a chhi aw chi ta, chatanachata Arawna nata a sawchapaw Nâdâ, Abihu, Eliaza nata Ithamâ zy cha ei theihthaipa rai hriapa ta eina chakao aw ei.

PUASAINA 28:41

Cha chysiazy cha na unawhpa Arawna nata a sawchapawzy pakysa aw chi ta, theihthaipa rai hriapa ta eina chakao thei nawpa ei ta, âmo cha sathawthupa ta, chahnao aw chi ta, na pathaisa aw ei.

PUASAINA 29:1

“Arawna nata a sawchapawzy ta theihthaipa rai hriapa ta eina chakao thei nawpa ei ta, âmo cha pathaisa awpa châ ta, ama chô liata hetana heta na tao awpa a châ. Viahchao tôh dawpa pô kha nata mietaku tôhpa seina hnei leipa pô no la aw chi ta,

PUASAINA 29:44

Ahmaohna poh o nata maisâhzy pathaisa aw na ta, Arawna nata a sawchapawzy chhao, theihthaipa rai hriapa ta eina chakao thei nawpa ei ta ei pathaisa hra aw ei.

PUASAINA 29:9

Arawna nata a sawchapawzy cha chaisaihna ta ama chai saih aw chi ta, lakhu pakhu aw chi ta, chatanachata theihthaipa châna cha chhâzaw ta âmo eih châ awpa ta bieraopa ta chahnaopa a châ aw. Cha hawhna chata Arawna nata a sawchapawzy cha na chahnao aw ei.

PUASAINA 30:30

Kei châta theihthaipa chakaona rai hriapa ta eina chakao thei nawpa ei ta, Arawna nata a sawchapawzy cha sathawthupa ta na pathaisa aw ei.

MALUHREINA 18:7

Nâ nata na hnohta a ypa na sawchapawzy ta maisâh nata pohraipa chhôh liata theihthaina rai hria awpa zydua hria thei aw ei chi ta, nama chakao aw. Theihthaipa chakaona raihria cha, hmosaipiepa ta nama hnohta cha pie ei na ta, chihropa a vaw hniapa maih cha thie awpa ama châ,” tah ta.

LUKA 1:5

Zudia bei Herawda daihti liata, Abizah py liata theihthaipa pakha, a moh Zekaria ama tahpa y ta. Cha chyhsa chata Arawna pathla hry liatapa Elizabe cha lapinô ta hnei ta.

LUKA 1:7

Châhrasala Elizabe cha a choh hapa vâta saw hnei leipa ei ta, ama pano ta machâ kaw bâ ei ta.