LUKA 1:79 - Mara Bible RV (BSI)

⁷⁹ Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

LUKA 1:79 ပူးပေါင်းရင်းမြစ်များ

ZAWBÂ 10:22

Zâ zoh chaina râh, A thlâzi thai leina thina nohpahli râh, Khaihna chhao zohna hawh a châna râh lâ ei sie hlâta,” tah ta.

ZAWBÂ 3:5

Zohna nata thina nohpahli ta khu sala, A chô liata meihdo a chhoh sala, Noh zohpa ta chalyusa mawh sy.

HLAZY 107:10

Thokha cha zohna nata thina nohpahli liata a tyuh ei ta, Pasataopa nata thua ta chahrypa ta patâhpazy ama châ.

HLAZY 107:14

Zohna nata thina nohpahli tawhta âmo cha a chhi papua ta, Ama chahrynazy a chhiepa ei.

HLAZY 23:4

Thina nohpahli saikao sao hraw sah la, Hmophaleipa chi aw va na; Nâ ei hnohta y chi ta, Na sômasi nata chôchahrei ta thlah eina palôh tyh.

HLAZY 25:12

Abeipa a chipa chyhsa cha ahy ma a châ? Cha chyhsa cha lâpi â chhih awpa a pahmô aw.

HLAZY 44:19

Chatanachôta changiezy laihna su liata miah hriechheih chi ta, Thina nohpahli ta miah na khu haw.

BIESOZY 3:17

A lâpizy cha lâpi khochhihpazy châ ta, A lâthlôh zydua cha thlalôhna lâthlôh a châ.

BIESOZY 8:20

Siana lâpi a chhih na ta, Adona lâthlôh ei chhih.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 42:7

Mochaopazy mo pavâsa aw chi ta, Atâhpazy na papua aw ei; Âmo cha lei ry patâhna o tawhta papua aw chi ta, Patâhna o zohpa tawhta na papua aw ei.

ISAI 48:17

Abeipa ta hetana heta reih ta, Nâmo châ Chatlaituhpa, Izarei Mo Pathaihpa ta hetana heta a tah: “Kei he Abeipa na Khazohpa châ na ta, Na pha nawpa ta cha pachu na ta, Na sie nawpa lâpi liata châ chhihthatuhpa ei châ.

ISAI 48:22

“Moleipazy châta thlalôhna rai y vei,” Abeipa ta a tah.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 49:9

Chatanachata atâhpazy hnohta, ‘Pua teh u,’ tah aw ei chi ta, Zohna liata a ypazy hnohta, ‘A vaw luah teh u,’ nama tah aw. Lâpizy liata ama lao bâ aw ei ta, Aw tlâhzy cha ama tlaihna a châ aw.

ISAI 59:8

Thlalôhna lâthlôh pahno leipa ei ta, Ama lâpizy liata adona y vei. Ama lâpizy â kopa ta tao ei ta, Cha liata a siepa ahy hmahta thlalôhna hmô veih ei.

ISAI 9:2

Zohna liata a chareipa phopi ta, Khaihna rônahpa hmô ei ta; Thina nohpahli râh liata a pahrâpazy chô liata, Khaihna a vaw khaih haw.

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

MATHAI 4:16

Zohna liata a tyuhpazy ta Khaihna rônahpa ama hmô haw; Thina nohpahli râh liata atyuhpazy chô liata, Khaihpa a vaw khaih haw,” tahpa ta a reipa kha a vaw tlô thei nawpa ta a châ.

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.

ZAWHÂNA 1:9

Khaihna hmeiseihpa, chyhsa to a pakhaihpa cha khizaw lâ a zu ta.

ZAWHÂNA 12:46

Khizaw pakhaihsa awpa ta a vypa ei châ, ahy rai nâ ngiapâpa cha zohna liata a y lei nawpa ta.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

ZAWHÂNA 9:5

Khizaw liata ei y chhôh cha, khizaw khaihpa ei châ,” tah ta.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 3:17

Thlalôhna lâpi pahno veih ei.

EPHESI 5:8

Hlâno cha zohpa châ ei chi ta, tahmâ deikua, Abeipa liata khaihpa nama vaw châ haw. Khaihpa sawzy hawhta hroh teh u.