LUKA 1:70 - Mara Bible RV (BSI)

⁷⁰ Leilô pi tua no tawhta A hrohso pathaihpazy pakah ta a rei hapa hawhta,

LUKA 1:70 ပူးပေါင်းရင်းမြစ်များ

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

2 SAMUELA 23:2

“Abeipa Thlahpa ta keima hmâpa ta reih ta, A bie cha ei paleih liata a y.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

MÂKA 12:36

“‘Abeipa ta ei Beipa hnohta, Na chariahpazy na phei ry liata ei so khai hlâlei cha, Ei chachâh lâta a tyuh mah y,’ a tahpa kha.

LUKA 24:44

Chatawhcha ama hnohta, “Hezy he ei rei tyhpa, Mawsi Ryhpa liata nata Hrohsopazy Châbu liata nata Hlazy liata ei thâtih ropa zydua a vaw tlô khai awpazie nama hnohta ei y nota ei cha chho tyhpa ei kha a châ,” tah ta.

HMOTAOPAZY 28:25

Ama bie a hmô thai khao leipa ta, Pawla ta bie miakha a rei khai nahta, ama pua haw. Pawla ta, “Thlahpa Pathaihpa ta hrohsopa Isai pakah ta châ pathlatuhpazy hnohta,

RAWMA 1:2

Cha thâtihpha cha, Khazohpa ta a hrohsopazy hmâpa ta hlâno tawhta Biehrai pathaihpa liata bie â vaw taih hapa a châ.

HEBRAI 3:7

Chavâta Thlahpa Pathaihpa ta, “Tanoh he a ao nama thei khiahta cha,

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

2 PITY 1:21

Hrohsona bie kheihawhpa rai, chyhsapa pachâna tawhta a puapa châ leipa ta, Khazohpa tawhta a puapa bie cha, chyhsazy ta Thlahpa Pathaihpa chhihthapa ta ama reih tyhpa tlao a châ.

2 PITY 3:2

Chatanachata hrohsopa pathaihpazy biereipa nata nama lyuhchâpazy hmâpa ta Abeipa nata Pachhatuhpa biepiepa cha namâ thei thlâh ha aw.

BIEPHUAH 19:10

Ano a chhy awpa ta a phei thaby liata kei pao na ta. Châhrasala ano ta ei hnohta, “Khata tao khah y! Kei cha nâ nata na unawhpa, Zisu bie a pyhtuhpazy chakaolâhpa ei châ. Khazohpa tlao a chhy teh. Zisu bie cha hrohsona thlahpa châ tlôh ta,” tah ta.