LUKA 1:7 - Mara Bible RV (BSI)

⁷ Châhrasala Elizabe cha a choh hapa vâta saw hnei leipa ei ta, ama pano ta machâ kaw bâ ei ta.

LUKA 1:7 ပူးပေါင်းရင်းမြစ်များ

ÂTHAONA 17:17

Abarahâ cha â khu lâta paopa ta pahneih ta, anosasyh ta, “Kô za khapa chyhsa heta ma saw a hnei aw? Sârâ cha kô sychaki ta ma saw a sa aw?” tah ta.

ÂTHAONA 18:11

Abarahâ nata Sârâ cha machâpa kô uhthei ngaitapa châ ha ei ta. Sârâ cha a chanô yzie tyhpa chhao chhâ ha ta.

ÂTHAONA 25:21

A lapinô a choh hapa vâta Aisika ta Abeipa lâta thlahchhâ ta, Abeipa ta a hiana cha chyh-ei ta, a lapinô Rebekâ cha saw phaoh ta.

ÂTHAONA 30:1

Râkheli ta Zakaw châta saw a sapa leipa â pahno nahta, a narônô cha uahva kaw ta. Zakaw hnohta, “Saw na pie teh, chataleipatala ei thi aw,” tah ta.

1 ABEIZY 1:1

Bei Dâvi cha machâ ha ta, a kô chhao uhthei kaw bâ ta. Pohzy ama bupa chhao ta lalôh thei khao leipa ta.

2 ABEIZY 4:14

Elaisâh ta, “Cha hawhpa khiah ano châta khâpa taopa awpa ma a châ aw?” tah ta. Kehâzi ta a chhy ta, “A châ na, he chanô he sawchapaw hnei leipa ta, a vahpa hra cha pawpi ha ta,” tah ta.

LUKA 1:5

Zudia bei Herawda daihti liata, Abizah py liata theihthaipa pakha, a moh Zekaria ama tahpa y ta. Cha chyhsa chata Arawna pathla hry liatapa Elizabe cha lapinô ta hnei ta.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

LUKA 1:8

Chatawhcha hetana heta vaw châ ta. Noh kha cha ano py chakao daihti liata, Zekaria chhao Khazohpa hmiakô liata theihthaipa chakaona rai hria hra ta.

RAWMA 4:19

Kô za kha châ daihmâ ha ta, a pôhpa pachâpa ta, athipa hawhta a châ ha bâpa chhao ta nata Sârâ chhi a choh hapa chhao ta, ngiapâna kyh liata thachhâpa ta y beih vei.

HEBRAI 11:11

Ngiapâna ta Sârâ cha saw phaoh thei ta, ano bie a taihtuhpa cha ngâchhihpa ta a raopa vâta, a nôpi tawhta saw a phaoh theipa a châ.

1 SAMUELA 1:2

Elkânâ cha lapinô pano hnei ta, pakha cha Hânâ châ ta, ahropa moh cha Peninâ a châ. Peninâ cha sawzy hnei ta, Hânâ deikua cha saw hnei leipa ta.