LUKA 1:66 - Mara Bible RV (BSI)

⁶⁶ A theipa maihta ama palôh liata khô ei ta, “Cha hawti cha kheihawhpa chyhsa ma a vaw châ aw?” tahpa pachâ ei ta. Abeipa ku cha hawti hnohta y ta.

LUKA 1:66 ပူးပေါင်းရင်းမြစ်များ

ÂTHAONA 37:11

A unawhzy ta a chô liata ama hiatlia kaw ta, a paw deikua ta, cha hmozy cha a palôh liata a vao thlâh ha ta.

ÂTHAONA 39:2

Abeipa cha Zawsi hnohta y ta. Vânoh thata to ta, a zibeipa Izi chyhsa o liata y ta.

1 ABEIZY 18:46

Abeipa ku cha Elaizâh chô liata y ta, a viahkao pasipa cha a chaisaih liata hnaoh ta, Ahabâ hmia lâta Zezari khih angiana taihta a râ lymâ ta.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 80:17

Na ku chachâh ta na hmâpa chyhsa chô liata na ku pahnieh la, Nâma châta na mohôhpa chyhsa sawchapawpa chô liata na ku pahnieh mah y!

HLAZY 89:21

Ei ku ta ano cha padua aw ta, Ei bâh ta tha a patlô aw.

LUKA 1:80

Hawsaih cha laiseih lymâ ta, thlahpa liata a tha vaw tlô via lymâ ta, Izarei hnohta â luah hlâlei cha râhchawhpa liata y thlâh ha ta.

LUKA 2:19

Mâri deikua cha, cha hmo zydua cha a palôh liata pachâ ta, a vao thlâh ha ta.

LUKA 2:40

Hawsaih cha laiseih lymâ ta, a tha vaw tlô ta, sona ta bie ta, Khazohpa ngiachhiena ano liata y lymâ ta.

LUKA 2:51

A nôpawzy hnohta zu ta, Nâzari khih cha tlô ta, a nôpawzy bie zyhpa ta y ta. A nô ta hmo zydua cha a palôh ta a vao thlâh ha ta.

LUKA 9:44

“He biezy he nama nakhaoh liata a ngia mawh sy: Chyhsa Sawchapawpa he chyhsazy ku ta patusapa ta a y aw,” tah ta.

HMOTAOPAZY 11:21

Abeipa ku ta âmo cha a châhkhei ta, chyhsa hluhpi ta a ngiapâ ei ta, Abeipa lâ a heih ei ta.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

1 SAMUELA 16:18

Satlia pakha ta a chhy ta, a hnohta, “Pachâ teh, Bethlehe khihpa Zese sawchapawpa pakha hmô na ta, ano cha totâ tô thai ngaitapa, chyhsa riahphapa, adyuhpa chyhsa, bierei a thai kawpa nata hmipha ngaitapa châ ta, Abeipa ta a ypâpa chyhsa a châ,” tah ta.

1 SAMUELA 2:18

Hawtipa Samuela cha lini ephaw a kypa ta, Abeipa hmiakô liata chakao lymâ ta.