LUKA 1:6 - Mara Bible RV (BSI)

⁶ Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

LUKA 1:6 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 6:9

He he Nôah pathlazy thâtih a châ. Nôah cha chyhsa siapa châ ta, ano chhâ chyhsazy hry liata seina a hnei leipa a châ. Nôah cha Khazohpa nata a kaolâh tyh ei ta.

ÂTHAONA 7:1

Chatawhcha Abeipa ta Nôah hnohta, “Nâma nata na chhôhkha zydua balyh liata a ngia teh u. He chhâ liata nâma deita he ei hmiakô liata chyhsa siapa a y chhôhpa na châ.

1 ABEIZY 15:5

Hiti chyhsa Uria kyh tah leipa khata cha, Dâvi kha Abeipa mohmô liata hmo dopa a tao tyhpa châ ta, Abeipa ta bie a piepa kheihawhpa hmah a hro chhôh zydua ta a tleisai beih leipa a châ.

1 ABEIZY 9:4

Nâ chhao, na paw Dâvi hawhta palôh dopa nata siapa phaopa ta ei mohmô liata y la, bie ei cha piepa zydua tao la, ei bieraopazy nata ei pachianazy na zyh khiahta cha,

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

2 THÂTIHZYRONA 17:4

a pathlatuhpa Khazohpa tluapa ta, a biepiepazy zyh ta, Izarei maw lâ râh taozie hawhta tao hra vei.

ZAWBÂ 1:1

Uzi râh liata chyhsa pakha, a moh Zawbâ ama tahpa y ta. Cha chyhsa cha seina hnei leipa, chyhsa dopa, Khazohpa a chipa nata moleina a heihsaipa chyhsa a châ.

ZAWBÂ 1:8

Abeipa ta Sâtâ hnohta, “Nâ chakaotuhpa Zawbâ thâtih na pachâ beih ma? Alei chô liata ano hawhpa rai y veih ei. Ano cha seina hnei leipa, chyhsa dopa, Khazohpa a chipa nata moleina a heihsaipa a châ,” tah ta.

ZAWBÂ 9:2

“Na reipa cha â do tahpa ei pahno: Châhrasala chyhsapa heta, Khazohpa hmia liata kheihta thai a châ thei aw?

HLAZY 119:6

Chatanachata na biepiepa zydua zyh aw na ta, Maophyuhpa ta y aw va na.

LUKA 1:7

Châhrasala Elizabe cha a choh hapa vâta saw hnei leipa ei ta, ama pano ta machâ kaw bâ ei ta.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

HMOTAOPAZY 2:25

Dâvi chhao khata Abeipa Zisu kyh liata, “‘Abeipa cha ei hmiakô liata khâ hmô na ta, Ei chachâh lâta y ta, A chalyu aw va na.

HMOTAOPAZY 23:1

Pawla ta ryureituhpazy cha a mo tawpâ ta, ama hnohta, “Unawh saih u, chhie nata pha pahnona hmâpa ta, tanoh taihta Khazohpa mohmô ta a phapa ta ei hroh lymâ,” tah ta.

HMOTAOPAZY 24:16

Chavâta Khazohpa nata chyhsapa lâta chhie nata pha pahnona pathaihpa hnei awpa khâ ei chhuah tyh.

HMOTAOPAZY 8:21

Na palôh phaozie Khazohpa hmiakô liata â doleipa vâta, he hmo liata a hlao hra leipa chi ta, tovyuh chhao hnei va chi.

RAWMA 8:4

Chatanachata keimo, sapa ta hroh khao leipa ta, Thlahpa ta a hroh hapazy liana heta, ryhpa ta â hnawpa siana cha pakipa ta a y aw.

1 KAWRINI 11:2

Ato liata nâ thei ei chi ta, pachuna ei cha piepazy nama zyh lymâpa vâta ei cha reithai ei.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

PHILIPI 2:15

Chatanachata chhâ moleipa nata paviapa hry liana heta, seina hnei leipa nata pathaihpa châ aw ei chi ta, vâ awhsizy hawhta ama hry liata nama khaih aw.

KAOLAOSÂ 1:22

Tahmâ deikua cha, a hmiakô liata pathaihpa nata seina hnei leipa nata reipasipasua nawpa y leipa ta a cha paduasa thei nawpa ei ta, a sapa pôhpa liata thina ta ano nata a cha paryhsa ei.

1 THYSALAWNIKA 3:13

Chatanachata eima Beipa Zisu cha a mopathaihpa zydua chhaota â vy tita, pathipalôh pathaihna kyh liata seina hnei leipa châ awpa ta, eima Khazohpa nata Paw hmiakô liata a cha paduasa aw ei.

2 PITY 3:14

Chavâta kho ngaitapa saih u, cha hmozy a hâtuhpa nama châpa vâta, apuapa a bai leipa nata seina hnei leipa ta, thlalôhpa ta nama ypa a cha hmô thei nawpa ei ta, tiama papua teh u.

1 ZAWHÂNA 2:29

Ano cha mosiapa a châ tahpa nama pahno khiahta cha, siana a hrokheipa maih cha ano sapa a châ tahpa nama pahno aw.

1 ZAWHÂNA 2:3

A biepiepazy eima zyh khiahta cha, ano pahnotuhpazy eima châ tahpa eima pahno.

1 ZAWHÂNA 3:7

Sawzy saih u, ahy hmah a padôveisa khuh vy. Krista cha mosiapa a châpa hawhta, siana a hrokheituhpa cha mosiapa a châ hra.