LUKA 1:20 - Mara Bible RV (BSI)

²⁰ Pachâ teh, a daihti raopa liata a vaw tlô awpa ei bie reipazy na zo leipa vâta, cha hmozy a vaw tlô hlâlei cha, bie reih thei khao aw va chi, nâ thlih thlâh ha aw,” tah ta.

LUKA 1:20 ပူးပေါင်းရင်းမြစ်များ

2 ABEIZY 7:19

pheisaih hyutuhpa ta Khazohpa chyhsa cha a chhy ta, “Abeipa ta avâ opyzy a pahypa chhao ta, cha hawpa cha a y thei aw ma?” tah ta. Elaisâh ta, “Na mo tlai ta hmô aw chi ta, châhrasala nie aw va chi,” tah ta.

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

PUASAINA 4:11

Abeipa ta a hnohta, “Ahy ma chyhsapa pakah he a tao? Reih pathlie thei leipazy, nahpâpazy, mopavâpazy nata mochaopazy chhao he, ahy taopa ma a châ? Kei Abeipa ta ei taopa châ vei ma?

ISAI 7:9

Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

EZEKIA 24:27

Cha noh liata, a râpa hnohna chata na pakah â aw chi ta, a hnohta bie reih aw chi ta, a chalih thlâh ha khao aw va chi. Chatanachata âmo châta ngiana châ aw chi ta, Abeipa ei châ tahpa ama pahno aw,” tah ta.

EZEKIA 3:26

Na reih pathlie thei leipa ta, âmo na chhorei thei lei nawpa ei ta, na paleih na dâh liata ei pabaisa ha aw. Saw chhorupazy ama châ.

DÂNIAH 10:15

He biezy lymâ hawhta ei hnohta bie a rei khai nahta, ei hmia alei lâ a khu na ta, reih pathlie thei khao leipa ta vaw y ha na ta.

MALUHREINA 20:12

Châhrasala Abeipa ta Mawsi nata Arawna hnohta, “Na ngâ leipa ei chi ta, ei pathaihna hawhta Izarei sawzy mohmô liata eina palyupalih leipa vâ ei chi ta, he zawpizy he âmo ei piepa râh tlôkhei aw veih ei chi,” tah ta.

MÂKA 16:14

Cha khai tawhta, pahrawh hleikhazy tlâhkhai liata pati ama dôh hai nota, ama hnohta a luah heih ta. A thyuheih tawhta a hmôtuhpazy bie ama zo leipa vâta nata amâ ngiapâleina nata ama palôh kuhchhana vâta âmo cha ra ta.

MÂKA 9:19

Zisu ta âmo cha a chhy ta, “Hy ngiapâleipa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

LUKA 1:19

Vâlyuhchâpa ta a chhy ta, “Kei he Kabriel ei châ. Khazohpa hmiakô liata a duah tyhpa châ na ta, bie cha chho ta, he thâtih lychhihpa he cha vaw tlôkhei awpa ta tuapa ei châ.

LUKA 1:21

Zawpi ta Zekaria cha hâ thlâh ha ei ta, Achhyna o liata a y parei kawpa vâta ama noâh kaw ta.

LUKA 1:22

A vaw pua nahta, âmo cha bie a chho thei khao leipa ta, Achhyna o liata aluahna a hmô tahpa pahno ei ta. Bie a reih thei khao leipa vâta, ama hnohta a ku ta thliethlâ ta.

LUKA 1:45

Abeipa ta a hnohta bie a reipa a vaw tlô aw tahpa a zopa chanô cha a nohlao na,” tah ta.

LUKA 1:64

Sôkha ta a pakah vaw âpa ta, a paleih a vaw thlâ ta, reih pathliepa ta Khazohpa reithai ta.

RAWMA 3:3

Thokha ngâchhih leipa ei sala, kheihta a châ aw? Âmo ngâchhih leina chata Khazohpa ngâchhihna hraoleipa ta a tao aw ma?

2 TIMAWTHY 2:13

Keimo ngâchhih vei hra sih la, Ano cha ngâ a chhih ta, Anosasyh a paphasai thei vei.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.