LUKA 1:17 - Mara Bible RV (BSI)

¹⁷ Elaizâh thlahpa nata hmotaotheina ta Khazohpa hmiakô liata sie aw ta, pawzy palôh cha sawzy lâta paheisapa ta, reingiah leipazy cha mosiapazy sona lâta paheisa aw ta, phopi pachhuahpanohpa cha Abeipa châta a mâ chiehpa ta a tao aw,” tah ta.

LUKA 1:17 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

1 ABEIZY 18:18

Elaizâh ta, “Kei ta Izarei nô papo va na, nâma nata na paw chhôhkha ta Abeipa biepiepazy tleisaipa ta, Bâlâ nama pazipa vâta, Izarei nô nama papopa a châ.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

2 ABEIZY 1:16

Elaizâh ta abei hnohta, “Abeipa ta hetana heta a tah: ‘A bie a saohiah awpa Khazohpa Izarei râh liata a y khao leipa ma a châ haw? Khazia Ekaraw khih khazoh Bâlâzebu a saohiah awpa ta lyuhchâpazy na tua? Chavâta rakhô na kiapa tawhta chô khao aw va chi, na thi tlai aw,’” tah ta.

1 THÂTIHZYRONA 29:18

Hy Abeipa, miah pathlatuhpa Abarahâ, Aisika nata Izarei Khazohpa y, he hawhpa achhuahnazy nata pachânazy he na phopi palôh liata khâ paysa la, ama pathipalôhzy nâ lâ khâ paheisa mah y.

2 THÂTIHZYRONA 29:36

Ama pangiasa leipa ta, eikhapi ta hmo vaw y ta, Khazohpa ta zawpizy châta â chhuanohpa hmozy vâta, Hezekia nata zawpi zydua cha amâ ly ngaita.

HLAZY 10:17

Hy Abeipa, pasataotuhpazy khopa thei ha chi ta, Ama palôh thapatlôpa ta, Na nah na pachôh aw.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

ISAI 29:24

Thlahpa kyh liata a paviapazy ta Vaw pahno thai aw ei ta; Reipasipasua thaipazy chhao ta, Pachuna amâ pyh ha aw.”

AMÔSÂ 4:12

“Chavâta Hy Izarei, Na chô liata he hmo he ei tao aw; Na chô liata he hmo he ei tao awpa vâta, Hy Izarei, na Khazohpa a tyh awpa ta a mâ teh!”

MATHAI 11:14

Cha cha nama zo khoh khiahta cha, ano he Elaizâh a vy awpa cha a châ.

MATHAI 14:4

Zawhâna ta a hnohta, “He chanô na hnei awpa he ryhpa ta pasaih vei” tahpa ta a chho tyhpa vâta, patu ta a patâhpa a châ.

MATHAI 3:3

Hrohsopa Isai ta, “Râhchawhpa liata awhpa ao ta, Abeipa lâthlôh a chhuahdy u la, A lâpizy patlâsa teh u,” tahpa ta a vaw reichhieliepa kha, ano he a châ.

MATHAI 3:4

Zawhâna cha râraoseihpa hmi chysia ta a tobi ta, savo chaisaihna ta a chai a saih ta, a pati cha khawsu nata kheihti a châ.

LUKA 1:16

Izarei saw hluhpi Abeipa ama Khazohpa lâta a paheisa heih aw.

LUKA 1:76

Chavâta nâ, hawtipa y, Chônôchai hrohsopa tahpa na châ aw. Abeipa lâpizy a chhuahdy awpa ta, A hmia lâta sie aw chi ta,

ZAWHÂNA 1:13

Cha chyhsazy cha thisaih ta sapa châ leipa ei ta, sapa khozie ta sapa châ hra leipa ei ta, chyhsapa khozie ta sapa châ veih ei. Khazohpa ta a sapazy ama châ.

ZAWHÂNA 1:34

Cha cha hmô na ta, ano cha Khazohpa Sawchapawpa a châ tahpa a pahnotuhpa ei châ,” tah ta.

ZAWHÂNA 3:28

‘Kei he Mesia châ va na, a hmia lâta tuapa ei châ,’ ei tahpa kha, nâmo tlai he nâ pahnokheituhpazy nama châ.

HMOTAOPAZY 10:33

Chavâta thlai cha vaw padysa na ta, zawh a ngiah chi ta, nâ vy theipa he a lypa a châ kaw na. Abeipa ta bie a cha piepa zydua cha nathlie awpa ta, eima zydua heta Khazohpa hmiakô liata tahmâ eimâ vaw hmaoh,” tah ta.

RAWMA 9:23

Ngiachhiena beihzy chô liata a rônahna palâsa nawpa ta, cha hmo cha Khazohpa ta a rônahna châta â chhuanoh chhielie hapa châ sala, khâpa a pei aw?

KAOLAOSÂ 1:12

Chatanachata khaihna khinarâh liata mopathaihpazy ryutolâhpa châ awpa ta châ patlohsatuhpa Paw hnohta alyna bie nama reih thei aw.

2 TIMAWTHY 2:21

Chavâta chyhsa ta hmobaoh sôh lei viapazy tawhta anosasyh â pathaisa khiahta cha, hmobaoh sôhpa vaw châ aw ta, hmobaoh pathaihpa châ awpa ta pananopa, Abeipa hmâ tlâhpa nata raihria phapa to châta a mâ chiehpa ta a ypa a châ aw.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.

1 SAMUELA 7:5

Samuela ta, “Izarei saw zydua Mizpâ liata a hmaohpakhy khai teh u, Abeipa lâta thlah ei cha chhâpa aw ei,” tah ta.