LUKA 1:16 - Mara Bible RV (BSI)

¹⁶ Izarei saw hluhpi Abeipa ama Khazohpa lâta a paheisa heih aw.

LUKA 1:16 ပူးပေါင်းရင်းမြစ်များ

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

DÂNIAH 12:3

A sopazy cha avâ khaihpa hawhta khaih aw ei ta, chyhsa hluhpi siana lâta a paheisatuhpazy cha awhsi hawhta chhâzaw nata tlyzaw ta ama khaih aw.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MATHAI 21:32

Zawhâna kha siana lâpi a chhihpa ta nâmo lâ a vy ta, châhrasala zo veih ei chi. Chhiekheituhpazy nata âzuahnôzy deikua ta la ama zo. Nâmo la siana lâpi nama hmôpa chhao ta, ro khoh leipa ei chi ta, zo khoh veih ei chi.

LUKA 1:76

Chavâta nâ, hawtipa y, Chônôchai hrohsopa tahpa na châ aw. Abeipa lâpizy a chhuahdy awpa ta, A hmia lâta sie aw chi ta,

LUKA 3:3

Zawhâna cha Zawdâh chheipâh râh zydua chahryh ta, moleinazy a ngiahthai nawpa ta rona bâtina bie chho ta.