KAOLAOSÂ 4:5 - Mara Bible RV (BSI)

⁵ Rypaohna patu thai lymâpa ta, khôtho chyhsazy liata so ngaitapa ta y teh u.

KAOLAOSÂ 4:5 ပူးပေါင်းရင်းမြစ်များ

HLAZY 90:12

Sona palôh eima hnei thei nawpa ta, Eima hro chhôh nohzy reizie awpa miah pachu mah y!

DÂNIAH 2:8

Abei ta a chhy ta, ama hnohta, “Daihti pahawh pasâh namâ chhuahpa dei a châ tahpa a siapa ta ei pahno haw, keima tawhta bie a puapa cha â i tahpa nama pahnopa vâta.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

MÂKA 4:11

Zisu ta ama hnohta, “Khazohpa khinarâh bienyupa cha nama hnohta palâhâh hapa châ ta, khôtho chyhsazy châta deikua cha, ato pakhona bie ta reipa a châ.

RAWMA 16:19

Khazohpa bie a zyhpa nama châzie cha mo to pahnopa a châ. Chavâta nama chô liata ei ly ngaita. Hmo phapa lâta so u la, moleina lâta deikua cha, a so leipa nama châ awpa ei khoh.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

1 THYSALAWNIKA 4:12

Chatanachata khôtho chyhsazy hmiakô liata zachhihna hlao aw ei chi ta, ahy hmah a ngâchhâ aw veih ei chi.

1 TIMAWTHY 3:7

Cha dei châ vei, khôtho chyhsazy lia chhao ta moh phapa a châ awpa a châ. Chataleipatala reipachhiepa ta y aw ta, ahripa khoheih liata â ao pathlei aw.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

ZÂMIE 3:13

Nama hry liata ahy ma asopa nata novâhpa a y? A reisi ngaitapa nata so ngaitapa ta, a hmotaopazy cha hrozie phapa ta pamosa mawh sy.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 PITY 3:1

Cha hawhna chata nâmo, lapinô saih u, nama vahpazy rei a ngiah teh u. Chatanachata Khazohpa bie a zyh leipa vahpazy ama y khiahta cha, bie ta chho cheingei hlei leipa chhao ta, ama lapinôzy hrozie ta pahniepa ta ama y thei aw.