KAOLAOSÂ 4:18 - Mara Bible RV (BSI)

¹⁸ Kei, Pawla ta, he anaohna he keima ku tlai ta ei ropa a châ. Ei bâlia a kypa he a thei thlâh ha teh u. Ngiachhiena nama hnohta y mawh sy.

KAOLAOSÂ 4:18 ပူးပေါင်းရင်းမြစ်များ

RAWMA 16:20

Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.

RAWMA 16:22

Kei Tertia, he châ rohtuhpa heta, Abeipa moh ta ei châ naoh ei.

RAWMA 16:23

Ei tlôna paw, Kaiâ, Awnanopa a pakhy tyhna o hneituhpa ta a châ naoh ei. Khihpi sôh avaotuhpa Erastâ nata eima unawhpa Kuatâ ta ama châ naoh.

1 KAWRINI 16:21

He anaohna he, kei, Pawla ta keima ku tlai ta ei ropa a châ.

2 KAWRINI 13:14

Abeipa Zisu Krista ngiachhiena, Khazohpa kyhpachâna nata Thlahpa Pathaihpa akaona cha nama zydua hnohta y mawh sy.

PHILIPI 1:7

Bâlia ei kypa liata nata thâtihpha a duakheipa ta ei pa-ina kyhzy liata Khazohpa ngiachhiena ei tolâhpazy nama châpa vâta, ei palôh liata khâ nama y. Chavâta nama zydua chô liata cha hawhpa palôh ei phaopa cha, kei châta tao awpa dopa a châ.

KAOLAOSÂ 4:3

Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la,

2 THYSALAWNIKA 3:17

Kei, Pawla ta, keima ku tlai ta, he anaohna châ he ei ropa a châ. He he ei châpaphaopa to liata ngiana châ ta, he he ei ro tyhzie a châ.

1 TIMAWTHY 6:21

Cha cha thokhazy ta zi ei ta, ngiapâna ama paviasai haw. Ngiachhiena na hnohta y mawh sy.

2 TIMAWTHY 1:8

Chavâta eima Beipa bie pahnotuhpa châpa cha zakhei khah y. Kei ano vâta atâhpa chhao he na zakhei hra leipa la, Khazohpa hmotaotheina ta thâtihpha châta pasa tlao na taokhei mah y.

2 TIMAWTHY 4:22

Abeipa cha na thlahpa hnohta y mawh sy. Ngiachhiena nama hnohta y mawh sy.

TITU 3:15

Ei hnohta a ypa zydua ta ama châ naoh. Ngiapâna liata kyh miah pachâtuhpazy kha miah a naohpa mah y. Nama zydua hnohta ngiachhiena y mawh sy.

HEBRAI 13:25

Nama zydua hnohta ngiachhiena y mawh sy. Amen.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.