KAOLAOSÂ 3:4 - Mara Bible RV (BSI)

⁴ Krista eima hrona cha â vaw luah tita, nâmo chhao ano hnohta rônahpa ta namâ luah hra aw.

KAOLAOSÂ 3:4 ပူးပေါင်းရင်းမြစ်များ

HLAZY 17:15

Kei deikua la, siana ta na hmia sai aw na ta, Ei hra tita, Na hmia hmô aw na ta ei palôh a tlâh aw.

HLAZY 73:24

Na ryhraona ta na chhihtha chi ta, Cha khai tawhta rônahna liata einâ ly aw chi.

MATHAI 13:43

Chyhsa siapazy deikua cha, ama Paw khinarâh liata noh hawhta ama khaih aw. Nakhaoh a hneipa ta thei mawh sy.

LUKA 17:30

Chyhsa Sawchapawpa chaluahpa ta a yna noh liata chhao, cha hawhta a châ hra aw.

ZAWHÂNA 11:25

Zisu ta a hnohta, “Kei he thyuheihna nata hrona ei châ. Ahy rai nâ ngiapâpa cha, thi hra sala a hroh thlâh ha aw.

ZAWHÂNA 14:3

Nama châta su a chhuahdy awpa ta a sie awpa ei châpa vâta, vaw kua heih aw na ta, ei hnohta ei châ chhi aw ei. Chatanachata nâmo chhao ei yna liata nama y aw.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 17:24

Ei Paw y, kyh eina pachâpa vâ chi ta, leilô y hlâta rônahna eina piepa chi kha ama hmô thei nawpa ta, nâ ta eina piepazy chi he, ei yna liata ei hnohta ama y hra awpa ei khoh ngaita.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

HMOTAOPAZY 3:15

Hrona pietuhpa cha thie ei chi ta, châhrasala Khazohpa ta ano cha athihpa hry tawhta a pathyu haw. Cha cha a pahnotuhpazy eima châ.

RAWMA 8:18

Tahmâ nota pasa taonazy he, noh hro ta eima chô liata rônahna palâsa awpa nata pakho khi ta rao va na.

RAWMA 8:19

Hmotaopazy ta Khazohpa sawzy aluahna daihti vâpa ta, ngiatiah leipa ta ama hâ thlâh haw.

1 KAWRINI 1:7

Chavâta eima Beipa Zisu Krista aluahna nama hâna liata, thlahpa hmopiepa khâpa hmah a phahla veih ei chi.

1 KAWRINI 15:43

Palyupalih leipa ta pabupa châ ta, rônahpa ta pathyupa a châ. Chiehleipa ta pabupa châ ta, hmotaotheipa ta pathyupa a châ.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

PHILIPI 3:21

Ato ano rei sai ta a paysa theipa Krista ta eima pôhpa nawh ngaitapazy he ano pôhpa rônahpa hawhta y awpa ta, a hmotaotheina hmâpa ta a taopathi aw.

1 THYSALAWNIKA 4:17

Cha hnôhlâ ta keimo ahrohpa ta a ypazy pi he, avâ ruapa meihdozy hry liana khita Abeipa dy awpa ta ama hnohta lapa châ aw pi ta, chhâzaw ta Abeipa hnohta eima y ha aw.

1 TIMAWTHY 6:14

Eima Beipa Zisu Krista â vaw luah heih hlâlei cha, biepiepa kha apuapa kiah leipa nata seina hnei leipa ta zyh mah y.

2 TIMAWTHY 1:1

Pawla, Krista Zisu liata hrona a ypa bietai hawhta Khazohpa khozie ta Krista Zisu lyuhchâpa ta

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

TITU 2:13

eima Khazohpa rônahpa nata Pachhatuhpa Zisu Krista â vaw luahna hnabeiseihna lychhihpa hâ awpa ta miah a pachu.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.

1 PITY 1:13

Chavâta nama palôh chai a saihpa ta a hrohrua u la, Zisu Krista â vaw luah tita ngiachhiena a cha vaw phaopa awpa ei cha khâchâ hnabeiseihpa ta y teh u.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

1 ZAWHÂNA 5:12

Sawchapawpa a hneipa maihta hrona hnei ta, Khazohpa Sawchapawpa a hnei leipa cha hrona hnei vei.

ZUDÂH 1:24

Tahmâ he nama pao lei nawpa ta châ hrôbieh theipa ei nata a rônahna hmiakô liata seina hnei leipa ta, a ly ngaitapa ta châ soh theipa ei,

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

BIEPHUAH 22:1

Chatawhcha vâlyuhchâpa ta hrona ti chavah, lôsôhpa pasohpa hawhta a patliepa, Khazohpa nata Mietakutaw beidyuchhai tawhta a vaw lohpa na pahmô ta.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.