KAOLAOSÂ 3:3 - Mara Bible RV (BSI)

³ Thi ha ei chi ta, nama hrona cha Khazohpa liata Krista hnohta nyupa ta a y haw.

KAOLAOSÂ 3:3 ပူးပေါင်းရင်းမြစ်များ

MATHAI 11:25

Cha daihti liata Zisu ta, “Hy ei Paw, lei nata vâ Beipa, nâ ta he hmozy he chyhsa sopa nata novâhpazy liata nyu chi ta, hawti chyhpazy hnohta na phuahpa vâta ei châ ly ngaita.

ZAWHÂNA 14:19

Bohpi leipa tawhta khizaw ta na hmô khao aw vei, châhrasala nâmo la eina hmô aw ei chi. Kei ei hrohpa vâta, nâmo chhao nama hroh aw.

ZAWHÂNA 3:16

“Khazohpa ta khizaw kyh pachâ ngaita ta, chatanachata a Sawchapaw matlupa pie ta, ahy rai ano a ngiapâpa maih cha leidia leipa ta, chhâzaw hrona tlao ama hnei aw.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 5:21

Paw ta athihpazy pathyu ta, a pahropa hawhta, Sawchapawpa chhao ta a khopa maih a pahro tyh.

ZAWHÂNA 5:24

Hmeiseihta ta, hmeiseihta ta ei cha chho ei, ahy rai ei bie thei ta, nâ tuahtuhpa a ngiapâpa cha, chhâzaw hrona a hnei haw. Thailei pachâsapa châ leipa aw ta, thina tawhta hrona lâ tlao â ngia haw.

ZAWHÂNA 5:40

Chatanachôta hrona hnei awpa ta kei lâ a vy khoh veih ei chi.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

RAWMA 5:21

Moleina chata thina ta ryureih ta, ngiachhiena deikua cha, eima Beipa Zisu Krista zawhzi ta chhâzaw hrona a tlôkheipa siana ryureina a châ.

RAWMA 6:11

Cha hawhna chata nâmo chhao, moleina lâ kyh liata a thi hapa ta a rao u la, Khazohpa lâ kyh liata deikua cha, Krista Zisu liata a hrohpa ta a rao teh u.

RAWMA 6:2

Châ bao va! Keimo moleina a thisai hapazy pi ta cha, kheihta ma moleina liata eima y thei khao aw?

RAWMA 8:2

Krista Zisu liata hrona Thlahpa ryhpa chata moleina nata thina ryhpa tawhta a cha papua ha ei.

1 KAWRINI 15:45

Chavâta, “Chyhsa hmiatua chaipa Âdâh cha chyhsa hrohpa a vaw châ,” tahpa ta ropa a châ. Âdâh hnôhchaipa cha hrona pietuhpa thlahpa a vaw châ haw.

1 KAWRINI 2:14

Khizaw chyhsa ta Khazohpa Thlahpa hmozy a pyh vei. Ano pachâ ta cha hruna châ ta, thlahpa ta pahnopa chi a châpa vâta pahno thei vei.

2 KAWRINI 5:14

Chyhsa zydua châta chyhsa pakha a thi khiahta cha, chyhsa zydua cha a thipa ama châ tahpa cha eima bietluna a châpa vâta, Krista kyhpachâna ta miah a tuah raruah.

2 KAWRINI 5:7

hmô theipa ta sie leipa ta, ngiapâna ta eima sie.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

EPHESI 3:9

Khazohpa ato taotuhpa hnohta nyu kôzawpa bienyupa achhuahna cha palâsa awpa ta, cha ngiachhiena cha piepa ei châ hra.

PHILIPI 4:7

Chatanachata Khazohpa thlalôhna, novâhna zydua hlâta sôh viapa ta nama palôh nata nama pachânazy cha Krista Zisu liata a cha vaipa lymâ aw ei.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

KAOLAOSÂ 2:20

Khizaw hroziezy cha Krista liata nama thisai ha khiahta cha, khazia khizaw hrozie ta a hroh chypa hawhta, ryhpazy liata namâ ngiarih thlâh ha chy?

KAOLAOSÂ 2:3

Sona nata pahnona hneirôna zydua Krista liata nyupa a châ.

KAOLAOSÂ 3:4

Krista eima hrona cha â vaw luah tita, nâmo chhao ano hnohta rônahpa ta namâ luah hra aw.

HEBRAI 7:25

Zisu cha chyhsazy châta thlahchhâ awpa ta chhâzaw ta a hroh thlâhpa a châpa vâta, ano siepahliepa ta Khazohpa a pangaipazy cha, khatino rai ta a pachha thei ei.

1 PITY 3:4

chhôh lâta atobina, chhithaina a tleih beih leipa, nônaina nata achalihna palôh ta tlao a tobipa châ mawh sy. Cha cha Khazohpa mohmô ta a sôh ngaita.

1 PITY 4:2

Chatanachata sapa ta nama hro chhôh zydua chyhsapa aohraohnazy liata hroh khao leipa aw ei chi ta, Khazohpa khozie hawhta nama hroh thei aw.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.