KAOLAOSÂ 3:2 - Mara Bible RV (BSI)

² Chô lâ hmozy liata nama palôh pachhô u la, alei hmozy liata pachhô khuh vy.

KAOLAOSÂ 3:2 ပူးပေါင်းရင်းမြစ်များ

1 THÂTIHZYRONA 22:19

Tahmâ nama pachâna nata nama palôh cha Abeipa nama Khazohpa padona lâta pahei u la, thyu u la, Zehôvâh Khazohpa supathaihpa cha sa muh vy. Chatanachata Abeipa Biehrai Byh nata Khazohpa hmobaoh pathaihpazy cha Abeipa moh châta sapa o liata a ngiakheipa a châ aw,” tah ta.

1 THÂTIHZYRONA 29:3

Cha dei châ vei, o pathaihpa châta ei pachhuapanohpazy hleikhô ta, keima ngôh nata tâkâ zy chhao ei pie pâ hra. Ei Khazohpa o he ei pachâ peimawh ngaitapa vâta, ei Khazohpa o châta ei piepa a châ.

HLAZY 62:10

Chyhsa hmo chhupa liata ngâna pahnieh leipa u la, Hraona sôh liata hnabeiseihna doleipa hnei hra khuh vy; Hneirôna a vaw pôh tita, Cha liata nama palôh soh khuh vy.

HLAZY 91:14

Abeipa ta hetana heta a tah: “Kyh khâchâ nâ pachâpa cha pachha aw na ta, Ei moh a pahnopa cha ei pabohsa aw.

BIESOZY 23:5

Sôh cha na hmôpa nahta thlai a pai tyh; A mathlaw kaw thao ta, Pahmôh hawhta avâ lâ â zaw syulyu ha tyh.

BIECHHOTUHPA 7:14

Phana noh liata a ly la, chhiena no liata he he pachâ mah y: Phana chhao, chhiena chhao, Khazohpa taopa a châpa vâta, chyhsapa ta a hmialâ daihti liata hmo a vaw y awpa khâpa hmah pahno vei.

MATHAI 16:23

Zisu cha Pity lâ a heih ta, a hnohta, “Sâtâ, ei hnôh lâ y teh! Ei châta ahluana na châ he. Khazohpa hmozy pachâ leipa chi ta, chyhsapa hmozy tlao na pachâ via he,” tah ta.

MATHAI 6:19

“Chhoma-u nata saiiepa ta niepa ta, parutuhpazy ta a ngia ei ta ama paru theina alei liana heta ryuzy a pachô khuh vy.

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

LUKA 16:11

Khizaw sôh chô liata hmah ngâ namâ chhih vei khiahta cha, ahy ma sôh hmeiseihpa châ pavaosa ngâh aw ei?

PHILIPI 1:23

A likah liata pachâna pahno leipa ta ei y. Kei la sie ta, Krista hnohta y bâ awpa ei khoh. Cha cha kei châta a pha via syulyu.

KAOLAOSÂ 3:1

Krista hnohta pathyupa nama châ ha tawhta cha, Khazohpa chachâh lâta a tyuhpa Krista yna liata chô lâ hmozy tlua teh u.

KAOLAOSÂ 3:5

Chavâta khizaw hro nâmo liata a ypa, apatlana, puana, parâna, molei khona nata uahvana zy cha thie teh u. Uahvana cha nothlahpa achhyna a châ.